Sa Instagram post ng Careless PH ay naka-tag ang aktor na si James Reid sa isang teaser ng nalalapit niyang collaboration kasama ang South Korean boy band na GOT7 na sina Jay B at Taiwanese-American rapper na si ØZI.
Nag-post si James ng snippet ng Zoom session niya kasama sina Jay B at ØZI. Bumati sila sa isa’t-isa, at kasunod ng video ay ang kanta ni James na ‘Hello‘ na naka-play bilang background music.
Ayon sa teaser, ipalalabas ang kanta sa March 11. Ang paparating na collaboration ay ang remix ng single ni James na ‘Hello’, na una niyang inilabas noong Hunyo 2021. Ito ang unang collab nina James, Jay B, at ØZI.
Hindi naman napigilan ng kanyang mga followers ang excitement sa nalalapit nitong collaboration kasama ang dalawang miyembro ng GOT7.
“OMG I can’t handle ittttt. Hahaha reenakathryn I just wanted to tag you because you know my love for got7 and otwol/james reid.”
“I might actually die bcs of this??!”
“Good luck sayo, James, bagay ka riyan, with your looks and talents, I am confident that you will go a long way, God bless you on your new journey.”
“Been manifesting a Jay B x James Reid since 2019 and it’s finally happening!”
Ang kantang ‘Hello 2.0 Legends Only’ ay maaaring nang i-pre-save sa pamamagitan ng music streaming service na Apple music, Spotify at Deezer.
Ang Got7 ay isang South Korean boy band na binuo ng JYP Entertainment. Ang grupo ay binubuo ng pitong miyembro: Jay B, Mark, Jackson, Jinyoung, Youngjae, BamBam, at Yugyeom.
Nag-debut ang Got7 noong Enero 2014 sa paglabas ng kanilang unang EP Got It?, na nanguna sa number two sa Gaon Album Chart at number one naman sa Billboard’s World Albums Chart.
Nakakuha din ng atensyon ang grupo para sa kanilang mga live performance, na kadalasang kinabibilangan ng mga elemento ng martial arts tricking at street dancing.
View this post on Instagram