Dumaan si Kris Aquino sa isang panibagong test habang naghahanda siyang lumipad palabas ng bansa para magpagamot.
Sa Instagram post ay nagbigay ng update ang aktres-host sa kanyang mga followers kaugnay sa kanyang kalusugan. Kasalukuyang nakikipaglaban ang queen of all media sa autoimmune disease at chronic urticaria.
Ipinakita niya ang test na ginawa sa kanya ng taga-St. Luke’s Medical Center sa Bonifacio Global City, at pinabulaanan ang mga naunang ulat na lumipad na siya sa United States noong nakaraang linggo.
“We just finished this blood test 30 minutes ago to see kung viable candidate ako for the treatment I want to try, before we go abroad. Thank you, Jessica- my favorite med tech from St. Luke’s BGC.”
“Marami akong health problems at present but para ma-confirm how serious they are, kailangan unahin namin ‘yung pinakamalaking hadlang, my allergies and my chronic urticaria,” aniya
“Hindi kasi alam how I’ll react to the dyes needed for tests like CT scan, MRI and lahat ng may -gram sa ending.”
Sinabi ni Kris na siya ngayon ay tumitimbang ng 86 pounds at walang cancer o diabetes. Maayos din umano ang kanyang kidney at liver functions.
“Cancer is ruled out, kidney function is okay, sugar is fine (meaning no diabetes), and so far liver function is okay considering all my maintenance meds.”
Hiniling ni Kris ang panalangin ng publiko para sa kanyang mga mahal sa buhay, gayundin ang kanyang medical team na nag-aalala sa kanya at ginagawa ang kanilang makakaya upang mapanatili siyang ligtas at malayo sa COVID-19.
“Thank you for all your prayers & kind well wishes, but let’s continue praying not just for me BUT for all my loved ones: my family- my sisters, brothers-in-law, mga pamangkin and PLEASE, my 2 sons, Kuya Josh & Bimb.”