Marso 26, nang minarkahan ng young actress na si Kathryn Bernardo ang kanyang espesyal na araw sa isang intimate dinner kasama ang kanyang mga mahal sa buhay.
Nakasama ni Kathryn sa selebrasyon ang boyfriend niyang si Daniel Padilla, gayundin ang mga celebrity friends nila tulad nina Joshua Garcia at Kyle Echarri.
Ibinahagi din ng celebrity hairstylist na si John Valle sa social media ang ilang video na nagpapakita ng mga kaganapan sa kaarawan ng aktres.
Makikita sa isa sa mga video na hawak ni Daniel ang cake ni Kathryn habang ang mga dumalo sa birthday ay kumakanta ng Happy Birthday song.
Nakatanggap naman ng maraming pagbati si Kathryn mula sa mga netizens at celebrities sa kanyang kaarawan.
Kabilang sa mga kilalang personalidad na bumati sa kanya ng maligayang kaarawan ay si Karla Estrada, ang ina ng kanyang boyfriend.
Ibinahagi ni Karla sa kanyang Instagram Stories ang ilang posts na nakatuon sa birthday celebrant.
Maraming netizens naman ang naantig sa mensahe ng ina ni Kathryn na si Min Bernardo sa kaarawan nito na ibinahagi niya sa kaniyang Instagram.
Nabanggit ni Min na “bunso is not a baby anymore” at tumatanda na siya at malaya na.
Ayon kay Mommy Min, darating ang punto sa buhay ng ating mga magulang na bigla silang malulungkot at magsisimulang mangulila sa kanilang mga anak.
“Bilang isang magulang nagpapasalamat ako sa lahat ng blessings na binigay ni Lord mula sa pagkakaroon ng maalwan na buhay, maayos na kalusugan, mababait at maaayos na career ng mga anak.”
“Ano pa nga ba ang hihilingin ko? Wala na, ‘di ba? Kaya lang dumadating ang time na nalulungkot ako, longing for my kids, may nasa malayo at may nasa tabi mo lang, pero still parang ang layo layo nila.”
“Here, another kid is getting older and want freedom. My bunso is not baby anymore. Kath, on your 26 years in this world, you achieved a lot, you work hard and naging mabait na anak, kapatid at kaibigan.”
“Sana kahit I gave your freedom, don’t forget to learn and accept words of advice and be wise in making decisions. Stay being sweet and caring, be true to yourself always… diyan ka minahal ng totoong mga kaibigan na nakapaligid sayo… MALIGAYANG KAARAWAN, anak.”
Panoorin.
View this post on Instagram