Sa panayam ng mediacon noong Marso 18, sinabi ni KD na hindi siya naniniwala na maaapektuhan ang special bond nila ni Alexa Ilacad kahit na may makasama siyang ibang aktres sa mga projects.
“At the end of the day, it’s just work. I don’t think it’s going to ruin anything that me and Alexa have,” anito sa grand media conference ng Bola Bola.
Bilang mga artista, sinabi ni KD na hindi maiiwasan na ipares sila ni Alexa sa ibang partner sa kanilang pag-navigate sa show business.
“Hindi talaga maiiwasan na magkakaroon kami ni Alexa ng individual projects na ipe-pair kami sa ibang partner. Okay lang ‘yun. Kung anong meron kami, it’s stronger than the projects that we’re gonna have.”
Sinabi niya ang mga pahayag na ito dahil malapit na ang release date ng kanyang upcoming series na “Bola Bola” na pinagbibidahan ni Francine Diaz.
Habang nagtatrabaho sa nasabing palabas, sinabi niya na natutuwa siyang nagkaroon ng bagong kaibigan.
“Nothing against Francine. It’s nice working with Francine. Naging tropa kami and I am thankful for that. But it’s not going to ruin what me and Alexa have right now.”
Bukod sa “Bola Bola,” malapit na ring magtrabaho si KD sa “Run to Me” kasama si Alexa.
Mapapanood ang “Bola Bola” sa iWantTFC simula Marso 26 at lalabas ang mga bagong episode tuwing Sabado at Linggo ng 8pm.
Ang seryeng ‘Bola Bola’ na may tagline na ‘Cook, Feed, Love, Repeat’ ay isang orihinal na iWantTFC na eksklusibong magpapalabas sa streaming platform ng Kapamilya.
Inilabas ng iWantTFC ang opisyal na trailer ng paparating nitong orihinal na seryeng “Bola Bola”.
Bahagi rin ng seryeng ginawa ng Dreamscape Entertainment at KreativDen sina KD Estrada, Ashton Salvador, Akira Morishito bilang leading men ni Diaz.
Panoorin: