Sinabi ni Pangulong Rodrigo Duterte noong Biyernes na tiyak na nakagawa siya ng magandang impresyon sa Diyos na nagbigay-daan sa kanyang anim na taon na pamumuno.
Ginawa ng Pangulo ang naturang self-reflection sa groundbreaking ceremony ng Philippine Sports Training Center (PSTC) sa Bagac, Bataan dalawang linggo bago matapos ang kanyang termino bilang chief executive.
“I walk with a limp, due to small fractures from riding motorcycle. Marunong ang Diyos, binigay sa akin ang presidency, katandaan ko [na]…last year, naglabasan na lahat ng sakit. Ang term ko matatapos na rin kaya timing lang, binigay ng Panginoong Diyos,” sabi ni Duterte.
“Ewan ko kung anong nagawa ko sa buhay na ito. Maybe I have done something good, na impress ko si Jesus,” dagdag pa ng Pangulo.
Tapat sa tungkulin
Ayon kay Duterte, bilang Presidente, tapat siya sa kanyang trabaho at ang kanyang suweldo ay nagbigay-daan sa kanya upang makapagbigay ng sapat para sa kanyang dalawang pamilya.
“Sweldo ko, P196,000. Hatiin ko pa iyan sa dalawang pamilya. Wala na akong bisyo, ‘di na ako umiinom. Sa kama na lang ako,” wika niya.
Pagkatapos ay inulit ng Pangulo ang kanyang nakaraang pahayag na nakipagkaibigan siya sa mga komunista upang makakuha ng mga boto.
“Pulitiko ka eh, boto lang ‘yan eh. The police and military should give a bigger window to politicians…aakyat ng bundok, magbabayad … boto eh. But when I became President, sinabi ko, tapos na ang pagkakaibigan natin,” ani Duterte.
Presidential photo
“Ako, naging Presidente, I swore to defend the territory of the Republic of the Philippines. Trabaho sagrado ‘yan. Kaaway na tayo. There is a time to be a friend, time to be enemies, time for killing, time to be at peace, time to be a shining star in the sky.”
Sinabi rin noon ni Duterte na sa darating na Hunyo 30, tapos na ang kanyang mga araw bilang Pangulo ng Pilipinas at magiging isa na lamang siyang ordinaryong mamamayan.
“After June 30, I will not be a shining star anymore. I will be an ordinary citizen…ganoon na lang kaliit,” sabi pa niya.