Ang driver ng SUV na sangkot sa hit-and-run incident sa Mandaluyong City noong Biyernes ay muling nang-snub sa hearing na itinakda ng Land Transportation Office (LTO).
Ayon sa tweet ni Glen Juego ng Super Radyo dzBB, magrerekomenda ang komite ng LTO ng nararapat na aksyon at nasa kama na ng Office of the Assistant Secretary Edgar Galvante kung aaprubahan ito.
Sa panayam sa Super Radyo dzBB, sinabi ni Mandaluyong Police Deputy Chief Police Lieutenant Colonel Marlon Mallorca na hindi pa nagpapakita sa awtoridad ang suspek.
“Since noong Monday, nagparamdam na po yan ng pagsuko, but until now wala pa rin po kaya wala rin po kaming alam or bulag din po kami kung talagang susurrender siya o hindi,” sabi niya.
Nauna rito, sinabi ni Galvante na kung muling mabibigong humarap ang may-ari ng SUV sa final hearing na may show cause order ng LTO, maituturing nang waived ang pagkakataong maipaliwanag niya ang insidente.
Ang LTO ay gagawa ng desisyon sa sanction na ipapataw laban sa may-ari ng SUV batay sa mga ebidensya kahit na wala ang kanyang kooperasyon, dagdag niya.
Ayon kay Galvante, maaaring masuspinde o ma-revoke ang driver’s license ng may-ari ng SUV dahil sa insidente. Bilang preventive action, 90 araw nang sinuspinde ang driver’s license ng suspek.
Sinabi ni Mandaluyong City Police chief Police Colonel Gauvin Mel Unos nitong Martes na may isang reklamo para sa frustrated murder at pag-abandona sa biktima ang isinampa laban sa may-ari ng SUV.
Dagdag pa ni Unos, naghihintay na lamang sila ng arrest warrant para sa suspek. Tumanggi kasi itong sumuko sa mga awtoridad, ayon sa Philippine National Police (PNP) nitong Lunes, sa ulat ng ABS CBN.
Sa isang press briefing, inihayag ni PNP chief Lt. Gen. Vicente Danao na ang may ari ng SUV, si Jose Antonio Sanvicente, ang nagmamaneho ng sasakyan, base sa pag-amin ng ama nito.
Matatandaang noong Linggo, Hunyo 5, ay binangga ng nasabing SUV ang isang security guard na nagmamando ng trapiko sa kanto ng Julia Vargas Avenue at St. Francis Street sa Mandaluyong City.
Sinubukan ng guwardiya na kinilalang si Christian Joseph Floralde na patigilin ang SUV sa intersection. Sa footage ng dashcam, nakita siyang huminto sa isang puting SUV ngunit nabangga siya ng sasakyan.
Sa halip na tulungan ang nasawing biktima, sinagasaan pa ito ng driver ng SUV at agad ring umalis sa lugar.
Sinabi ni Floralde na kasalukuyang ginagamot sa intensive care unit ng isang ospital na dahil sa insidente ay magsasampa siya ng mga kaso laban sa driver.
Basahin: JV Ejercito offering P50,000 reward for info on ‘idiot driver’ in viral hit-and-run video
Samantala, nitong Lunes, Hunyo 13, ay binawi na ng LTO ang lisensya ng may-ari ng SUV na kinilalang si Jose Antonio Sanvicente.