Mainit ngayon sa mga netizens ang usap-usapan tungkol sa pag-unfollow sa isa’t isa ng teen stars na sina Andrea Brillantes at Francine Diaz sa Intagram. Friendship over na ba?
Nitong Huwebes ay nawala na umano sa followers list ni Andrea si Francine, na naging palaisipan sa mga sumusbaybay sa kanila. Nagkaroon tuloy ng mga espekulasyon tungkol sa tunay na estado ng pagkakaibigan ng dalawa.
Ano kaya ang tunay na nangyari? Dahil kaya kay Seth Fedelin?
Ito ang usap-usapan ng netizens matapos kumalat sa social media ang family picture ni Francine kung saan namataang naroon din si Seth. May caption pa itong “Family is love.”
Marami ang nagtaka kung bakit kasama si Seth sa salu-salo ng pamilya ni Francine noong Bagong Taon. Napatanong ang fans kung senyales ba itong may espesyal na ugnayan ang dalawa sa tunay na buhay?
Imahe mula kay Merdick Saenz Diaz Fb account
Marami ang mga issue na lumabas kung saan sinasabi ng mga netizens na may relasyon umano ang dalawa. Subalit sa latest na interview kay Francine Diaz ay sinabi nito na hindi pa umano siya handa na pumasok sa isang relasyon.
Sumikat ang SETHDREA at KYCINE nang dahil sa teleseryeng Kadenang Ginto. Kahit natapos na ang serye ay patuloy pa ring napapanood ang grupong Gold Squad sa YouTube. Tila nabuwag ang loveteam na KYCINE dahil sa na-link ang aktor na si Kyle Echarri kay Chie Filomeno.
Imahe mula kay Francine Diaz IG Account
Samantala, muling nakita sa IG account ni Andrea na mukhang nag-follow back na ulit siya kay Francine, na pinost naman agad ng ‘pambansang marites’ na si Xian Gaza sa kanyang FB account. Todo antabay ang Xian sa mga kaganapan. Kalaunan, muling nag-update si Xian na naka-unfollow na naman muli sa IG ang teen stars. Ano ba yan? Gulong-gulo na raw ang isipan ni Andrea? Test of friendship lang kaya?
imahe mula kay Christian Albert Gaza
Ang dalawang teen stars ay pareho pa rin namang naka-follow kay Seth sa IG account nito.
Pabirong sabi tuloy ng mga netizens, “Marga Mondragon versus Cassie Mondragon’ na ba ulit?” na ang tinutukoy ang ang karakter nila sa Kadenang Ginto.
May mga nagpahayag na ng pagka-miss sa dalawang aktres dahil inaabangan ang kanilang muling pagsasama sa video ng The Squad Plus via YouTube.
Samantala, humanda ka, Seth. Ikaw ngayon ang apple of the eyes ni Xian o.
Sino raw ‘yung kasama mo sa Batangas? Hindi daw si Andrea at hindi rin si Francine. “Sino yung babaeng nakaputi na hindi kita yung mukha sa video?” saad sa caption ng video na ibinahagi ng pambansanng marites na lalaki.