Sa unang pagkakataon, sinagot na ng celebrity na si Markki Stroem ang tungkol sa pagkakaugnay niya sa mga kilalang aktor na sina Marvin Agustin at Piolo Pascual.
Sa kanyang guesting kamakailan sa Cristy Ferminute para sa promo ng Cignal Play series na Delivery Gurl, diretsahan niya nang sinagot ang entertainment columnist na si Cristy Fermin kung ano talaga ang totoong relasyon niya sa mga ito. Paliwanag ng actor-singer-model, kaibigan niya lamang pareho ang dalawang aktor.
Pahayag niya tungkol kay Marvin, “Si Marvin friend ko ‘yon, hanggang ngayon friends pa rin kami. And in my opinion, it is our world, we can be friends with whatever we want to be and minsan we’re good friends, minsan hindi masyadong good friends, minsan hindi na kami okay, minsan okay pa kami in terms of relationship with different people. And in my opinion, I don’t really like to talk about my relationships with people in general, even ‘yong girlfriends whatever hindi ko binabanggit ang mga pangalan ng mga naging relationships ko because it’s not my story to tell.”
Screenshot from Cristy Ferminute | YouTube
Nang itanong naman ni Cristy ang tungkol sa mga natatanggap nitong mensahe na may mga nakakakita kina Markki at Piolo na nagdya-jog sa BGC (Bonifacio Global City) tuwing umaga, ang sagot nito ay halos katulad din ng tugon niya tungkol kay Marvin.
“Yeah, same management [Cornerstone] din kami so, we’re friends. Friends kami ngayon, friends din kami ni Marvin, friends din kami ng maraming mga actors,” wika niya.
Screenshot from Cristy Ferminute | YouTube
“But at the end of the day, let’s just say nowadays ‘yung mga friends ko are outside of the industry. Hindi ako nakikipagkaibigan, minsan toxic for me. Actually, may mga friend din ako [sa showbiz] pero hi and hello lang, I mean nakita ko si Moira (dela Torre) sa Cornerstone Christmas party hina-hug ko siya, hina-hug ko rin si Catriona (Gray). Friends ko sila pero hindi kami sobrang close like katulad dati na lahat ng buhay ko is in the industry lang,” saad pa niya.