Hindi naitago ni Catriona Gray ang kanyang kilig nang magtanghal siya sa stage kasama ang kanyang beau na si Sam Milby.
Ibinahagi ng Miss Universe 2018 ang “expectation vs. reality” photos niya sa kanyang Instagram kasama ang kanyang nobyo habang naghahanda silang magtanghal nang magkasama sa Canada.
“Expectations vs reality. Kilig to be sharing the stage for the first time with panda @samuelmilby for our #OneMagicalNightTour,” aniya sa kanyang caption post.
Kamakailan ay lumipad patungong Canada si Catriona kasama sina Sam, Rayver Cruz, at Marcelito Pomoy para sa “One Magical Night.” Matapos tapusin ang kanilang palabas sa Calgary papunta na sila ngayon sa kanilang susunod na destinasyon.
“Calgary your energy was something else! Tomorrow… off to Edmonton!” dagdag pa niya.
Kinanta ng couple ang “Shallow” ni Bradley Cooper at Lady Gaga at “My Girl” ng The Temptations sa harap ng audience sa Calgary, na makikita sa Instagram page ng talent management company na Cornerstone Entertainment.
Nitong Mayo 23 ay binati nina Catriona si Sam sa kanyang kaarawan. Sa Instagram ay ibinahagi ng Cornerstone Entertainment ang isang video kung saan si Sam ay tumatanggap ng birthday song mula kay Catriona at sa audience sa kanilang “One Magical Night 2022 Canada Tour” na palabas sa ibang bansa.
Aniya, “That’s a WRAP on the #OneMagicalNightTour Canada 🇨🇦 Such a blast performing with these amazing guys @marcelitopomoy8 @rayvercruz @samuelmilby thank you to everyone who came out and celebrated with us! We love you guys and can’t wait to be back!”
Kilala sina Catriona at Sam sa kanilang lowkey relationship sa social media presence.
Kinumpirma nina Sam at Catriona ang kanilang relasyon noong kaarawan ng aktor Mayo 2020. Bagama’t ipinaalam na nila sa publiko ang kanilang relasyon, nananatiling low-key ang couple pagdating sa kanilang buhay pag-ibig.
“Worth every second of the wait. Most special birthday yet,” aniya noong 2020 post.
Panoorin:
View this post on Instagram