Nagpaaliw at nagpabilib sa mga netizens ang isang aso na nauutusan ng kaniyang amo na bumili sa tindahan.
Marami ang humanga kay Epril, isang 4-anyos na aspin sa Nabunturan, Davao de Oro dahil marunong itong bumili bitbit lamang ang pera at nakasulat na mensahe.
Ibinahagi ng kaniyang furparent na si Langeleca Omasdang ang video kung saan inutusan niya si Epril na bumili ng gatas sa malapit na tindahan.
Isinabit lamang sa kaniyang collar ang plastic bag na may lamang pera at sulat kung ano ang bibilhin nito.
Makaraan ang ilang sandali ay bumalik na nga si Epril na bitbit naman ang kaniyang pinamili.
Biro naman ng mga netizens, paki-delete na raw ng video dahil baka makita pa ng kanilang nanay at sabihing mabuti pa ang aso dahil nauutusan at sumusunod. hahaha
Narito pa ang ilang reaksyon mula sa mga nakapanood:
“Buti pa ang aso nauutusan at hindi batugan tulad ng ibang 2 legged.”
“Isa na naman pong may silbi, di tulad ng mga nakatira sa bahay.”
“Nakakatuwa po yung gesture ni dogie na na train ng ganyan if totoo man yan. Pero hindi po advisable yan kasi pwede po malagay sa risk yung safety nya baka maaksidente po sa daan yan,unless kung nakasunod yung may ari.”
“Buti pa aso may silbi.. kapatid ko wala e … Hahaha.”
“Sikat naka epril deserve mo ng chimken.”
Turan naman ng ilan, tinuruan na rin lang daw si Epril na bumili, sana raw ay tinuruan na rin itong mangutang sa tindahan.
I-Click lamang ang imahe para mapanood ang orihinal na video: