Nitong Lunes, Disyembre 13, ay kinoronahan si Miss India Harnaaz Sandhu bilang pinakabagong Miss Universe sa ginanap na coronation night sa Eilat, Israel.
Tinalo ng magandang dilag mula sa India ang 79 pang kandidata kabilang na ang pambato ng Pilipinas na si Beatrice Luigi Gomez na nakaabot naman sa Top 5.
Imahe mula sa Insider
Si Sandhu ang pangatlong Miss India na nakapag-uwi ng korona sa kasaysayan ng Miss Universe na kinabibilangan ni Sushmita Sen (1994), at Lara Dutta (2000).
Sa edad na 21 anyos, ilang pageants na rin ang kanyang nasalihan ni Sandhu at nakapag-uwi ng korona ang dalagang nagmula sa village ng Kohali sa Gurdaspur district, Punjab.
Kabilang na rito ang Miss Chandigarh 2017, Miss Max Emerging Star India 2018, at Femina Miss India Punjab 2019. Nitong nakaraang Oktubre, tinanghal siya bilang Miss Universe India na kakatawanin ang bansa sa prestihiyosong beauty pageant.
Imahe mula sa India Express
Ang kaniyang ama ay isang realtor habang gynecologist naman ang kaniyang ina. Siya ay may nakatatandang kapatid na lalaki na si Harnoor.
Taong 2006 nang lumipat sila sa England subalit bumalik din ang pamilya makaraan ang dalawang taon. Nag-aral si Sandhu sa Shivalik Public School at sa Post Graduate Government College for Girls sa Chandigarh kung saan siya kumukuha ng Master’s Degree in Public Administration.
Model, actress at beauty queen
Bukod sa pagiging beauty queen, si Sandhu ay isa ring model at aktres. Gumanap na siya sa mga pelikulang Punjabi gaya ng ‘Yaara Diyan Poo Baran’ at ‘Bai Ji Kuttange’.
Imahe mula sa Healthshots
Kahit na busy sa kaniyang ibang aktibidad, priority pa rin ng dalaga ang pag-aaral. Ayon sa kaniyang intro video sa Miss Universe: “I’m the youth of my country. I’m keen to know what’s happening in my country and how it’s administered.”
Nakapagtapos na rin si Sandhu ng Bachelor’s Degree in Information Technology bago nagpatuloy sa kaniyang kasalukuyang kurso.
Adbokasiya
Ipinagmamalaki ni Sandhu ang kaniyang inang gynecologist at sa kaniya umano siya kumukuha ng inspirasyon para maging advocate ng women’s health at menstrual hygiene.
Imahe mula sa m.beautypageants.in
Maliban dito, isinusulong rin niya ang adbokasiya para sa women’s empowerment partikular na ang karapatan ng mga kababaihan para sa edukasyon, careers, at freedom of choice.
Miss Universe Q & A
Ang mga sagot ni Miss India ang isa sa pinalakpakan at hinangaan ng maraming nanood ng Miss Universe coronation night.
Sa Top 5 question, ang tanong sa kaniya ay: “Many people think climate change is a hoax. What would you do to convince them otherwise?”
“Honestly, my heart breaks to see how nature is going through a lot of problems and to all irresponsible behavior. And I totally feel that this is the time to take actions and talk less because each action could either kill or save nature. Prevent and protect is better than repent and repair and this is what I’m trying to convince you guys today,” sagot naman dito ni Sandhu.
Screenshot mula sa You Tube
Ang naging tanong kay Sandhu at sa dalawa pang kandidata sa Top 3 Q & A ay: “What advice would you give to young women watching on how to deal with the pressures they face today?”
“Well, I think the biggest pressure the youth is facing today is to believe in themselves. Let’s stop comparing yourselves to others and let’s talk about more important things that are happening worldwide. I think this is the thing you need to do for yourself — come out, because you are the hero of your own. You have a life of your own. I believed in myself and that’s why I’m standing here today,” ang sagot ni Miss India.
Si Sandhu ay kinoronahan bilang Miss Universe 2021 ni Miss Universe 2020 Andrea Meza ng Mexico.