Tila hindi nagustuhan ng ilang netizens ang caption ng Instagram swimsuit photo ni Korina Sanchez dahil parang ‘insenstive’ daw ito lalo na ngayong marami na naman ang nahahawahan ng COVID-19.
Noong Linggo, Enero 9, unang ibinahagi ni Korina ang kaniyang swimsuit photo kung saan mababasa rito ang original caption na “IMAGINE. Lahat nagka covid na. Ako never pa. And Im ALL OVER. Thank you, Lord. Sadya akong pinagpala kase dami ko tinutulungan?”
Imahe mula sa PEP.ph
Hindi ito pinalampas ng ilang netizens na tinawag na ‘insensitive’ at ‘wala sa lugar’ ang caption ng dating Kapamilya broadcaster.
Makaraan ang ilang oras, sinubukang baguhin ng misis ni Mar Roxas ang caption at ginawa itong “IMAGINE. Lahat nagka covid na. Ako never pa. And Im ALL OVER. Thank you, Lord. Sadya akong pinagpala kase baka nakakatulong yung may natutulungan din? Please bless and heal all those infected.”
imahe mula sa PEP.ph
Hindi pa rin ito pumasa sa panlasa ng mga netizens at patuloy ang pag-bash sa award-winning journalist.
Ayon sa ilan, hindi naman kailangan ipangalandakan pa ni Korina ang pagtulong at ipagmalaki pa sa karamihan na kaya siya hindi nagkaka-COVID ay dahil dito.
Depensa naman ng ‘Rated Korina’ host, ‘miscalculation of words in caption’ lang ang kaniyang naisulat at wala naman siyang nais ipakahulugan dito.
Nitong Lunes, ay muling naiba ang caption ng Instagram post ni Korina dahil hindi pa rin ito tinatantanan ng mga bashers.
Screenshot mula sa Instagram
“Thank you Lord. So many sick and infected. Ive never been positive—- even as Im all over for work I have to do. Frontliner pa ako ngayon sa househelp and driver ko. Help me help others through this pandemic. Kaya natin ito,” ayon sa nakasulat na lamang dito.
Ipinagtanggol naman ang beteranang broadcast journalist ng kaniyang mga followers mula sa negatibong komento ng bashers.
“Yung mga negatrons, anyare sa inyo 2022 na! Spread love, happiness, good vibes, kindness and be grateful kahit sa MALIIT na bagay. Nagpapapansin lang kayo Or gusto niyo lang na pansinin kayo ni Ma’am Korina?” komento ng isang follower.
Screenshot mula sa Instagram
“Wala nang sabihin na di makakaoffend. Que maganda or panget ang post may maooffend, how about minding our own business na lang. If we give a damn to everything lalo lang tayo makakahanap ng rason masaktan or maoffend. Super touchy na ang tao, wala nang pinalagpas lahat kelangan i-relate sa sarili,” dagdag naman ng isa pa.
Hindi na bago kay Korina ang ganitong pamba-bash sa kaniya sa social media. Subalit sa ilang pagkakataon, napipilitang sagutin ito ng broadcaster lalo pa’t minsan ay masyado nang personal ang mga banat sa kaniya at idinadamay pa ang kaniyang pamilya.