Kinumpirma daw ng mga source ni Mama Loi na ang mga larawan ng aktres na si Andrea Brillantes at ng basketball player na si Ricci Rivero na tila magkasama sa isang night out ay naging dahilan upang maging usap-usapan ng mga netizens na nagde-date raw ang dalawa.
Isang waiter kasi sa isang restaurant sa Bonifacio Global City ang nag-post ng larawan nila ni Ricci at ng isa pang larawan na ang kasama naman nito ay si Andrea; na nagpapahiwatig na magkasama ang dalawa sa isang date.
Mas lalo pang uminit ang issue dahil sa isang Tiktok video ni Andrea na nakasuot ng jersey ni Ricci ng University of the Philippines Fighting Maroons. Dito ay sinurpresa siya ng matalik niyang kaibigan na si Darren Espanto ng mga aklat. Ibinahagi rin ni Andrea sa kanyang YouTube shorts ang nasabing vid clip. Mukhang same nga naman ang jersey nila ano?
Ayon sa caption, “andrea got books from darren (this is for content only they are just friends)” na may hash tags pang #darrenespanto #andreabrillantes
@kyrrenloops_ sana ol pi hahaha andrea got books from darren (this is for content only they are just friends) #darrenespanto #andreabrillantes #fyp #foryou ♬ original sound – DARDREE FOR L&B – KYRREN LOOPS
Naniniwala ang mga netizens na kinunan ang video noong lock-in taping ng “Lyric & Beat”; ang paparating na iWant series ni Andrea kasama ang ka-love team na si Seth Fedelin.
Kaya naman napag-usapan nina Ogie Diaz, Mama Loi, at Tita Jegs ang dalawa sa kanilang “Showbiz Update” vlog dahil curious rin sila kung ano na nga ba ang namamagitan sa dalawa.
“According to our very reliable source, nag-confirm na they are really dating daw,” ani Mama Loi.
“Magdyowa na. Feeling ko magdyowa na. Sa akin lang ah. Puwede rin naman akong mali. Kung ide-deny nila ‘yan eh di mas alam nila ‘yan. Sila ang may katawan, pero tingin ko lang naman ‘yan,” sabi ni Ogie.
Ani Mama Loi “Sabi ng source ko, parang gusto na rin daw ni Andrea na mag-out doon sa relationship status nila ni Ricci para hindi na siya ma-link romantically kay Seth.”
“Bakit ayaw na niya kay Seth?” tanong naman ni Ogie.
“Eh babaero daw,” sagot ni Mama Loi.
“Nako, kailangan malinawan natin yan mula kay Seth. Kung babaero ba siya at kay Andrea naman kung gusto na niyang aminin na sila na ni Ricci,” ani Ogie.
“Pag sinabi niyang gusto na niyang mag-out, ibig sabihin sila na,” dagdag pa niya.
Samantala, wala pang pahayag ang aktres at ang baskteball player kaugnay sa kumakalat na bulungan.
Panoorin: