Ipinasilip ng aktres na si Heart Evangelista at Incubus frontman Brandon Boyd, isang band vocalist, ang kanilang painting session noong nakaraang taon.
Lumipad si Evangelista patungong Los Angeles, California noong 2021 para sa isang art collaboration kasama ang Boyd’s Moonlight Arts Collective, na nagtatampok ng “hand-signed, limited art from cultural icons who draw, paint, photograph, and moonlight as visual artists.”
Sa isang vlog na inilabas ni Evangelista noong Linggo, Pebrero 27, makikita ang dalawa na magkasamang nagpipinta habang ibinabahagi ang kanilang pagmamahal sa sining.
“It was such an amazing moment meeting Brandon Boyd, the man behind Moonlight Arts Collective. (And I’m sure you know him, too!) I’m happy to share this passion project that we collaborated on late last year,” ani Evangelista sa kanyang Instagram post.
Makikita rin sa kanilang vlog na ipinahayag ni Boyd ang kanyang interes sa life drawing. Aniya, “Sometimes, you’d just sit and I’ll do sketchbooks stuff and studies, but then, to do longer studies, I’ll photograph, and then I’d get to work from the photograph.”
Noong Mayo 2021 nang unang ihayag ni Evangelista ang collaboration kasama ang Boyd’s Moonlight Arts Collective.
Samantala, nakilahok si Evangelista sa iba’t ibang art exhibit bilang “Love Marie” sa Galerie Joaquin at Ayala Museum sa Pilipinas gayundin sa Chan Hampe Galleries sa Singapore.
Noong Agosto 2021 naman ay ibinahagi ng band vocalist ang ilang mga snaps mula sa kanilang photoshoot para sa kanilang “little art project.”
Sa caption ay tinukoy niya si Evangelista bilang “the consummate multi-hyphenate: actor, singer, model, spokesperson, and (drumroll please…) painter!”
“I’m so excited to show everyone our first collaboration together with @moonlightartscollective,” dagdag pa niya.
Bukod sa paglalathala ng tatlong libro sa visual arts, ipinakita ni Boyd ang kanyang kahusayan sa mga expressive at abstract na obra maestra sa iba’t ibang bahagi ng mundo tulad ng Amsterdam, Cape Town, London, Paris, Rome, Zurich, at United States.
View this post on Instagram
Pagmamalaki ni Evangelista, “I’m happy to share this passion project that we collaborated on late last year. Catch us talk about it on my YouTube channel now!”