“MY dear child…I hear you… but I need to understand where you are coming from…can you write a 5,000 word essay defending your declaration? Thank you.”
Ito ang pahayag ni Professor Clarita Carlos sa kanyang Facebook account noong Mayo 11 bilang mensahe niya kay Frankie Pangilinan.
Kaliwa’t kanan ang natatanggap na bashing ng anak nina Sen. Kiko Pangilinan at Sharon Cuneta nang makiisa ito sa rally – sa harap ng tanggapan ng Comelec, ng mga kabataan at isinama pa ang mga kapatid na sina Miel at Miguel.
Marami namang netizens ang natuwa sa pahayag ng propesora.
“I think, we must run an Essay Contest to prove their brilliance of mind.”
“Iha sabi nga ni Lee Kuan Yew kung ayaw sa administrasyon niya ‘di pinilit, eh ‘di umalis ka ng Pilipinas.”
“Napressure yata ang bata dahil medyo malaki ang gastos ni mommy sa pangarap ni daddy.”
Samantala, pinalitan naman ni Frankie ang kaniyang pangalan sa Twitter na ‘spoiled brat, apparently’.
Pag-amin ni Frankie, hindi sila nagprotesta dahil sa election results kundi dahil sa mga anomalyang nangyari sa botohan.
“We are not protesting election results, regardless of outcome. We are protesting vote-buying, vote-tampering, years of calculated, disinformation, propaganda dispersion, machine politics, and all systemic injustice that led to 30 million votes for the son of an ousted dictator.”
Matatandaan na iniulat ng Manila Police District (MPD) na nasa 400 katao ang nagtipon malapit sa pangunahing tanggapan ng Commission on Elections (Comelec) sa Intramuros noong Martes, Mayo 10, habang nagpapatuloy ang canvassing ng mga boto.
Ang pagpoprotestang ito ay ginawa nila dahil pinaniniwalaan nila umano na may dayaang nangyari.
“Sabi ng iba na we have to accept defeat daw na hindi raw tayo marunong matalo. I think that the truth is it’s not about just this election anymore. Because I think that the data shows clearly this election was bought a long, long time ago and that’s something we will not take sitting down,” ani Frankie sa AlterMidya.
“I am not going to have my president be named Ferdinand Marcos again, ever. I think it’s that simple,” mabigat niyang sabi.