Matapos ang Halalan 2022 sa bansa, nagpahatid ng mensahe ang Estados Unidos sa susunod na Pangulo ng Pilipinas.
Sinabi ni Ned Price, tagapagsalita ng US State Department, sa media ng Washington na kapag opisyal nang naiproklama ang susunod na pangulo, makikipagtulungan umano sila upang mas mapalakas pa ang alyansa sa pagitan ng Estados Unidos at Pilipinas.
“We’re monitoring the election results and we look forward to renewing our special partnership and to working with the next administration on key human rights and regional priorities,” ani Price nitong Martes, Mayo 10.
Idinagdag pa nito na ang halalan noong nakaraang Lunes ay isinagawa ayon sa international standards at walang anumang major incident.
Nang matanong kung mayroon bang alalahanin ang US kaugnay kay Ferdinand Marcos Jr. bilang susunod na pangulo ng bansa kung saka-sakali, ang tugon ni Price, “What I can say from a technical standpoint is that we understand the casting and counting of votes to have been conducted in line with international standards and without significant incident.”
“The counting is still underway. It is not for us to declare a winner. We’ll wait for the Philippines election authorities to do that. We look forward to working with the president-elect on the shared values and the shared interests that have united our countries across generations,” pagpapaliwanag nito.
Batay sa unoffical at partial election returns na natanggap ng church-backed election watchdog Parish Pastoral Council for Responsible Voting at authorized media outlets sa pamamagitan ng Commission on Elections Transparency Media Server, si Bongbong Marcos Jr., ay nangunguna sa presidential race na may landslide margin sa kanyang pinakamalapit na challenger na si Vice President Leni Robredo, at walong iba pang kandidato.
Sinabi ni Ned na wala silang nakikitang pagbabago sa relasyon ng US sa pangunahin nitong kaalyado sa Asya; aniya, “it is an enduring alliance that is rooted in a long and deeply interwoven history that shares democratic values and interests and strong people-to-people ties between our countries as friends, as partners, as allies.”
Inihayad din niya na ang America ay patuloy na makikipagtulungan sa Pilipinas “to advance a free and open, connected, prosperous, secure, and resilient Indo-Pacific region.”
“We’ll also continue, as I said before, to promote respect for human rights and the rule of law which is fundamental to US relations with the Philippines and in other bilateral contexts as well.”
Panoorin.