Nagpahayag si Vice Presiden Leni Robresdo noong Linggo ng pag-asa na ang kanyang kahalili na si Vice President-elect Sara Duterte-Carpio ay ipagpatuloy ang mga proyekto na nasimulan nito.
Sa pagsasalita sa kanyang lingguhang programa sa radyo, tiniyak din ni VP Leni na ang kanyang tanggapan ay nagsasagawa na ng mga transition meetings kasama si Sara.
“Sana … ‘yung mga nasimulan ay tuloy pa din. Nagkaroon na ng several na transition meetings. Okay naman,” aniya.
“Okay naman ‘yung mga transition meetings. Receptive naman ‘yung team na papasok,” dagdag pa ni VP Leni. Sa kanyang social media page ay nagbahagi ang kanyang team ng ilang larawan ng pagbisita ng transition team ni VP-Elect Sara.
Pagkatapos ay ipinaliwanag niya na ang mga nakaraang OVP (Office of the Vice President) ay nagkaroon ng mga programa sa tulong medikal, kaya naman naniniwala siya na ang mga medikal na pagsisikap na sinimulan ng kanyang tanggapan ay itutuloy ng kanyang kahalili.
“Tingin ko naman to a large extent itutuloy pa din. Siguro ‘yung mas kwestyon lang ‘yung mga programang hindi institutional, kasi marami kaming inumpisahan na programa na hindi talaga siya bahagi ng OVP,” sabi ni Leni.
Wika ng bise, “halimbawa itong Angat Buhay, hindi siya bahagi ng OVP. Maraming mga programa, lalo na noong pandemic, hindi siya bahagi ng OVP pero in-implement namin noong kami na. Sana ano iyon, sana mainstitutionalize, para kahit wala na kami, tuloy tuloy pa din.”
Samantala, hinggil sa Angat Buhay non-government organization, sinabi rin ni VP Leni na kasalukuyan itong nirerehistro.
“Kapag na-register na ito hopefully—hinahabol sana namin, na by July 1, lumabas na ‘yung approval ng ating registration para tuloy-tuloy na. Pero gusto natin kasi, above board lahat. Gusto natin na mula sa umpisa, maayos na,” paliwanag niya.
Ang Angat Buhay ay naglalayon na magtatag ng pinakamalawak na network ng bolunterismo sa bansa, na tumutulong sa mga marginalized at vulnerable.
Pumangalawa si Leni sa 2022 presidential race na may 15 milyong boto, at nanguna naman si President-elect Ferdinand “Bongbong” Marcos Jr. na nanalo na may 31 milyong boto.
Samantala, nagbigay ng mensahe ang Bise Presidente nitong Araw ng Kalayaan, Hunyo 12: