Naging tapat si Coleen Garcia tungkol sa pagiging ina at inamin na bagama’t nakatuon siya sa pagpapadede kay Amari, ang kanyang anak sa asawang aktor-TV host na si Billy Crawford, nakaka-“frustrate” at “draining” din umano ito minsan.
Ikinuwento ng aktres ang kanyang karanasan sa pagpapa-breastfeed sa kanyang isang taong gulang na anak at kung paano niya ito planong ipagpatuloy hanggang sa magtatlong taong gulang, aniya sa broadcaster na si Karen Davila, na mapapanood sa YouTube channel ng huli.
“Para sa akin, breastfeeding is really the most selfless thing I’ve ever had to do. It’s not just the act of lending your body for the entire two years pero hindi ako makaalis, I can’t go anywhere kasi hanggang ngayon gumigising-gising pa rin siya sa gabi,” aniya. “There are days na parang gusto ko na lang sumigaw in frustration and it’s very draining.”
“I wouldn’t say I gave it up completely but definitely lumiit siya and the capacity became so much smaller — ‘yung personal and career life ko . And I don’t think it was just because of becoming a mom — a breastfeeding mom — but because of the pandemic,” sabi pa ni Coleen.
“You just choose to be safe na lang because nakakatakot tuwing lalabas ka, the anxiety is there.”
Inopen din ni Coleen ang tungkol sa kasal nila ni Billy at inilarawan ito bilang isang “dream come true” para sa kanya. Pagkatapos ay inihayag niya ang kanyang pagpapahalaga sa asawa at pinarangalan ito na “giving her the confidence she never had.”
“I really feel like I’m living my ‘dream come true.’ It has always been one of my dreams and goals – even before I met Billy — kasi (because) my parents are separated,” dagdag pa niya.
“I didn’t really grow up in the happiest childhood so it has always been my number one goal to have a family, be married, have children, and now I’m living it.”
Ang mag-asawa ay ikinasal noong 2018, at ipinanganak naman si Amari noong Setyembre 2020.
Panoorin: THE NEW LIFE OF BILLY AND COLEEN! | Karen Davila Ep58;