Ayon sa veteran showbiz columnist na si Cristy Fermin ay buntis umano ang seksing aktres na si AJ Raval sa rumored boyfriend na si Aljur Abrenica.
Sinabi ni Cristy na 100 percent sure siyang totoo ang mga balitang kumakalat kaugnay sa aktres kamakailan sa episode ng online show na “Showbiz Now Na” nitong Hulyo 19.
“Ito naman ay bibitiwan natin at ito naman ay ipupusta natin nang siyento porsyento. Totoo po mga ka-chika, nagdadalantao po si AJ Raval,” matapang na sabi ng columnist.
Naniniwala ang beteranong columnist na pananagutan ni Aljur ang pagbubuntis ni AJ at umaasa siya na walang kasong legal na maisasampa ang asawa ni Aljur na si Kylie Padilla.
“Yung paninindigan tungkol sa pagkakaanak, alam kong lalaking-lalaki si Aljur. Kaya niya ‘yan. Pananagutan niya ang kanilang produkto ni AJ. Ang nakaka-nerbiyos, baka mamaya, may magsulsol kay Kylie Padilla. Hindi pa napapawalang-bisa ang kasal nila,” sabi pa niya.
Iginiit din ni Cristy na ang pagbubuntis ni AJ ang dahilan kung bakit hindi natapos ng aktres ang ilang proyektong nasimulan niya.
“Hindi po kasi makapagsisinungaling ang mga taong malapit sa kanila, na aming source tungkol sa isyung ito. Totoo po na nagdadalantao si AJ. Kaya ‘yung pelikula niyang sinimulan, hindi na itinuloy. Naaano lang ba ako, sayang ‘tong batang ito,” dagdag pa ni Cristy.
Kamakailan lang ay nagbahagi si AJ ng ilang larawan sa INstagram na ipinapakita ang kanyang slim waist. Walang baby bump.
Basahin: AJ Raval tinanggihan ang ‘Scorpio Nights’, planong magbalik sa pag-aaral
Kamakailan ay tinanggihan ng kontrobersyal na aktres ang isang papel sa remake ng “Scorpio Nights” dahil plano umano nitong bumalik sa paaralan.
“I have goals this year. I plan to go back to school and finish college,” wika ni AJ.
“Grateful ako na ‘Scorpio Nights’ was offered to me. Pero malungkot ako because I had to sacrifice ‘Scorpio Nights’ as one of the projects I cannot make. I will not lie, but my plan is to stop accepting sexy projects for the meantime, while I am in school,” dagdag pa niya.
Panoorin ang Showbiz Now Na: