Matapat na nakausap ni Luis Manzano si Ogie Diaz sa YouTube channel nito tungkol sa buhay pamilya ng huli.
Tinanong ni Luis si Ogie tungkol sa kanyang reaksyon sa mga taong may negatibong komento tungkol sa setup ng kanyang pamilya.
Si Ogie, miyembro ng LGBTQ+ community, ay may limang anak sa kanyang kinakasama na si Georgette del Rosario.
Ayon kay Ogie, ang mga bumabatikos sa setup ng kanyang pamilya ay ang may mga isyu.
Higit pa rito, na-appreciate ni Ogie na lahat ng kanyang limang anak ay ipinagmamalaki siya sa kabila ng paminsan-minsang nabu-bully sila dahil sa kakaibang set-up ng kanilang pamilya.
Paliwanag ng komedyante, proud ang kanyang mga anak dahil alam nila kung gaano siya kabuti bilang isang ama. At ‘yung mga kritiko?
“Sila ‘yung may problema hindi naman kami. Dinadaanan ko na lang sa ganun (biro) kaysa mapikon ako. Kinekwestyon nila ‘yung kapasidad ko na magka-anak. Wala sa mga anak ko na nalungkot, lumuha dahil binubully sila dahil bakla ang tatay nila. Talagang proud sila na ako ang tatay nila. Kilala nila ‘yung tatay nila dahil araw-araw kaming magkakasama,” ani Ogie kay Luis.
Tinanong naman ni Luis si Ogie kung naranasan na ba niyang umibig sa mga male celebrity.
Ayon kay Ogie, hindi pa siya na-in love sa mga male celebrity pero nakaramdam siya ng attraction sa ilan sa kanila.
Ipinaliwanag ng komedyante-reporter na normal para sa isang tao na maakit sa mga physically attractive na tao.
“Hindi ako na-in love. Nagkaka-gusto ako. ‘Yung in love kasi talagang tinatrabaho mo eh hanggang sa maging kayo. Ang daming gwapong artista, mas nakakahiya naman kung gwapo ka tapos hindi ka magugustuhan,” paliwanag niya.
Nang matanong siya kung mayroon bang male celebrities na nagpapakita ng attraction sa kanya, sinabi niyang nilalapitan lamang siya ng mga ito upang manghiram ng pera.
“Nagpaparamdam sila dahil gustong mangutang,” pagbabahagi niya. hahaha
Panoorin sila sa latest na inupload ni Luis: