Ipinapakita ng aktres na si Maine Mendoza na close talaga sila ng pamilya ni Arjo Atayde na makikita sa mga larawan na naglolokohan kasama ang kaniyang magiging biyenan.
Sa Instagram, proud na ibinahagi ni Sylvia Sanchez kung paano napupuno ng tawanan nina Maine at Arturo ang kanilang tahanan sa tuwing nagkikita sila.
“Sila po ang laging nagbu-bullyhan ’pag nagkikita-kita. Nakahanap sila ng katapat sa isa’t-isa,” wika ni Sylvia sa kaniyang post.
“Ang saya saya sa tuwing nagbu-bullyhan sila,” dagdag pa ng aktres..
“Walang humpay na tawanan, sarap nilang panoorin, tatawa ka na lang nang tatawa. Positive vibes kumbaga. Love you both,” aniya na tinag si Maine at ang asawang si Arturo.
Idinagdag ng beteranang aktres ang hashtags na #B1B2, #BullyMeetsBully, #MasayangPuso, #MasayangTahanan, at #MasayangPamilya.
Natuwa ang mga netizen sa mga larawan na in-upload ni Sylvia at sinabing;
“I am not surprised, since Maine came from a very strong family foundation background just like yours. You both are blessed to have each other.”
“Ang suwerte ni Maine sa mga biyenan, thank you po at love n love n’yo si Maine”
“Nakahanap ng katapat si tito art hahaha”
“Comfortable si Maine sa maging daddy n’ya soon, bait ni Maine talaga walang arte-arte go go kuya art mayroon kang new daughter in-law na mabait”
Basahin: Sylvia Sanchez tells Maine Mendoza: ‘I will take care and love you as my own daughter’
Kamakailan ay sumulat ang 51-anyos ng isang nakaaantig na mensahe sa nobya ng kanyang anak pagkatapos ng kanilang engagement kamakailan.
“He asked He and She said, YES!!! Finally!! Welcome to the family, Maine. Thank you for loving my son. Love you Nak,” sabi ni Sylvia sa isang Instagram post.
“I promise that I will take care and love you as my own Daughter.”
Samantala, tumugon naman si Maine at nagpasalamat kay Sylvia sa pagiging supportive nito. “Thank you so much po, tita. You have been so kind, understanding, and supportive from the beginning and for that I am thankful. Kay Tito Art, saks lang. Char lang po, love you boooth!” komento ng aktres.