Nagsimulang kumalat noong Hunyo ang mga haka-haka na hiwalay na sina Janella Salvador at Markus Paterson.
Tila kinumpirma ng aktres na naghiwalay na nga sila ni Markus, matapos niyang tawagin ang sarili niyang single mom sa anak nilang si Jude.
Sa isang vlog na inilabas ni Bernadette Sembrano noong Sabado, Setyembre 3, sinabi ni Janella kung paano siya naka-relate kay Regina, ang alter-ego ng karakter niyang si Valentina sa teleseryeng Darna: The TV series ni Mars Ravelo.
“Si Regina, she’s a lawyer and vlogger. She’s very intelligent and her heart is in the right place. She fights for justice… Kapag meron siyang ipinaglalaban, as long as alam niyang nasa tama siya, ilalaban niya talaga,” aniya.
Inilarawan din niya ang kanyang role bilang Valentina. “She’s a monster, she’s fierce, she’s scary.”
Tinanong siya ni Bernadette kung ano ang ipinaglalaban ngayon ng aktres at mabilis naman niya itong tinugunan.
“Being a single mom — talagang nilalaban ko ‘yon,” sagot ni Janella.
“At the end of the day, alam kong kaya ko naman siya. As much as I love the people around me who are always there to help me, I always want to know na kaya kong gawin,” dagdag niya. “I can rely on myself na hindi ko kailangang humingi ng tulong sa iba.”
Nabanggit din ni Janella na ang pagiging independent ay isang bagay na maaaring kinuha niya mula sa kanyang ina, ang singer-actress na si Jenine Desiderio, na siya ring nagpalaki sa kanya nang mag-isa.
“Siguro kasi I saw my mom growing up, kung paano siya , she was able to raise us on her own. So siguro na-embody ko rin kung paano siya. I wanted to be independent as well,” matapang niyang sinabi.
Basahin: Ogie Diaz, ‘Totoo ba? Janella Salvador at Markus Peterson hiwalay na nga ba?’
Matatandaan kinumpirma nina Markus at Janella na naging magkasintahan noong Setyembre 2020. Noong Enero 2021, ipinakilala nila sa publiko ang kanilang anak na si Jude Trevor, na ipinanganak noong Oktubre 2020.
Star Patroller Janella, panoorin!