Ibinahagi ng isang netizen ang mensahe na ipinadala niya sa taong nangutang at hindi nagbayad sa kaniya sa takdang araw.
Kuwento ni Benjie Tech, sa halip na ikagalit niya ay nagdesisyon siyang pangaralan na lang ang nangutang tungkolsa kahalagahan ng pagbabalik ng hiniram na pera.
Sa isang Facebook post ay ibinahagi niya ang mahabang mensaheng ipinadala niya sa nangutang.
Base sa screenshot na ipinost ni Benjie, September 14 nangakong magbabayad ang kaniyang kakilala ngunit lumipas na ito nang walang paramdam sa kaniya.
“Not only did you not pay me back pero hindi ka rin nagparamdam at all. Hayaan mo na. Keep it na. No need to pay me back. But allow me to share with you a few things to think about para hindi mo na ulitin sa iba ‘tong nagawa mo sa akin.”
Paliwanag niya, mahalagang bayaran ang inutang sa ipinangakong araw ano pa man ang halaga nito dahil maaaring kailangan din ito ng inutangan.
Kung hindi naman makapagbabayad, dapat ay ipaalam ito sa inutangan. Mahalaga raw kasi na mapanatili ang tiwala ng nagpautang dahil posibleng maging ang mga susunod na manghihiram sa kaniya ay hindi niya na rin pagkatiwalaan.
Basahin ang buong mensahe niya:
1. Yung pera na pinahiram sayo ay baka inaasahan at kailangan ren nung tao na inutangan mo.
2. Prioritize mo ren yung utang mo sa tao. It is as important as the other things you need to pay
3. Hindi komo sa tingin mo ay may pera yung inutangan mo ay ok lng sa kanya na hindi mo bayaran kaagad.
4. Kung di ka makakapag bayad the least you can do is mag sabi dun sa tao as a courtesy. Lalo na kung nakapag online ka naman within the day. Kung sasabihin mo na kaya ka hindi nag message dahil nahihiya ka…mas nakakahiya yung walang paramdam dude.
5. The most important lesson to learn here is to value yung trust na binigay sayo. More than the money na nawala dun sa tao, possible ren na mawalan yung tao ng tiwala sa iba pang mangungutang after you. Sa bawat tao na hindi tumutupad sa pangako at lalo na kung walang paramdam, maapektuhan yung mga iba pang tao hihingi ng tulong sa susunod sa kanya.”