Nagpahayag ng pasasalamat si Lea Salonga matapos niyang matanggap ang TIME100 Impact Award, at sinabing iniaalay niya ito sa kanyang mga kapwa entertainer who “shone a constant light” sa panahon ng pandemya.
Ayon sa aktres-singer sa panayam ng entertainment reporter na si MJ Felipe para sa “TV Patrol,” na mapapanood sa YouTube channel ng ABS-CBN noong Oktubre 3, iniaalay niya ang award sa lahat ng entertainers sa buong mundo na nagbigay-saya sa panahon ng pandemya.
“It just felt really overwhelming and surreal to be accepting an award for just doing what it is that I do. Even as a kid, I was enamored with music, being on stage — it was something that I really love,” sabi pa niya.
“All I wanted to do was make people smile and entertain. (During) the COVID-19 pandemic, it was more important to be doing that.”
Pagkatapos ay pinarangalan ni Lea ang kanyang mga kapwa entertainer na patuloy na nagbabahagi ng kanilang gawain sa gitna ng pandemya kahit na walang kapalit; “without being asked or being rewarded,” ayon sa kanyang talumpati sa pagtanggap sa YouTube channel ng TIME.
“Those were dark times for many of us, myself included, but my talented colleagues and friends shone a constant light for me at the end of a very dark tunnel,” aniya.
“So I want to share this award to my fellow entertainers, all of them from all over the world, who through a time of great uncertainty and darkness continue to do what they were put on this Earth to do,” dagdag pa ng singer.
Ang TIME100 Impact Award ay ibinibigay sa mga personalidad na nagpamalas ng ibayong galing at dedikasyon upang isulong ang kani-kanilang industriya.
Bukod kay Lea, ang iba pang personalidad na nakatanggap ng parangal ay kinabibilangan din ng English singer-songwriter na si Ellie Goulding, American rapper na si Will.i.am, at dating direktor ng James Webb Space Telescope Program ng NASA na si Gregory L. Robinson.
Panoorin ang kanyang speech: