Naranasan mo na bang mabigyan ng ‘Gin Bilog’ bilang souvenir sa isang binyagan?
Karaniwang binibinyagan ang sanggol kapag ito ay 2 weeks old, o ‘di kaya ay ilang buwan matapos itong ipanganak.
Mayroon namang magulang na isinasabay na lamang ang binyag ng anak sa pagdiriwang nito ng unang kaarawan upang maging espesyal ang event at isang gastusan na lamang..
Kamakailan ay nag-viral ang larawan ng isang ina na si Analyn Barnedo, mula Rizal, tampok ang kaarawan ng kanyang anak na si Aly kung saan isinabay na rin ang binyag nito.
Sa Facebook post ni Analyn, makikita ang mga larawan mula sa event.
Nagpapasalamat siya dahil nairaos niya ang kaarawan at binyag ng anak kung saan siya mismo ang nag-asikaso nito.
“Thank God at nairaos na po ang binyag and birthday ni Aly, thank you sa lahat ng blessing,” ani Analyn sa kanyang post kalakip ang mga larawan mula sa event.
Nagpasalamat din si Analyn sa mga dumalo.
“Worth it ang almost one month na preparation ni Mommy, halos lahat DIY. Sana po naging masaya din kayo. Thank you din po sa lahat ng gifts and Cash (Will keep soon to Aly’s bank account). SALAMAT PO NG MARAMI.”
Sa kanyang cover photo naman ay makikita na buhat-buhat nito ang kanyang anak habang hawak naman ang isang bote ng gin bilang souvenir sa kanyang mga guest.
“Yeah, shot puno,” saad niya sa caption.
Ilang meme pages ang naaliw sa kanyang post at ibinahagi ang mga larawang nagpapakita ng mga bote ng ‘gin bilog.’
Sino ba naman kasi ang mag-aakala na pwede palang maging souvenir ang gin bilog? Nilagyan ito ng ina ng espesyal na packaging na may ribbon.
Ayon sa PhilStarL!fe, 90% ng kanilang mga bisita ay umiinom ng alak kaya naman naisip niyang gin bilog ang piliing souvenir.
“Alam naming matutuwa sila. Nagulat din sila, kasi first time nilang maka-encounter ng ganoong uri ng souvenir.”
Bukod sa mga bote ng gin bilog, binigyan din niya ang ibang bisita ng ‘alcohol’ ngunit hand sanitizer version naman..
Dagdag pa nito, nagtatrabaho bilang machine operator sa Taiwan ang kanyang partner mula noong nakaraang taon.
Kahit nagtatrabaho sa gabi ang kanyang partner ay hindi umano naging hadlang sa kanila ang komunikasyon.
Payo naman niya sa mga couples, ang susi sa isang pangmatagalang relasyon ay ang pagiging kontento.
“Lalo na sa mga nasa LDR (long-distance relationship) tulad namin, tiis-tiis lang para sa pangarap.”