Nag-post ang aktres na si Ria Atayde ng isang sweet at madamdaming post para sa kaibigan na si Kathryn Bernardo pagkatapos ng kanilang unang out-of-the-country trip na magkasama.
Ibinahagi ng aktres sa social media ang mga snaps mula sa pinakamagagandang sandali nilang magkasama habang naglalakad sa mga lansangan ng Japan.
“It was nice to finally meet the traveling version of you and I’m so happy and proud to announce that the travel versions of us get along. So excited to eat the rest of the world with you,” isinulat ni Ria sa kanyang IG account.
Sa comments section, sweet na tumugon si Kathryn sa post ni Ria, “I love u even more now.”
Masarap talaga sa feeling na mayroon kang kaibigan na lagi mong nalalapitan o nakakausap kahit hindi man kayo magkasama o magkita minsan.
Naglakbay ang celebrity besties sa Japan kasama ang Kapamilya actors na sina Daniel Padilla, Zanjoe Marudo, at Joshua Garcia.
Sa mga nakaraang post, ibinahagi rin ni Ria ang kanilang picture perfect group photos kasama ang mga lalaki, “Yay for great adventures and even greater friends. Can’t wait til our next trip. Apakasaya ano? ”
Sa mga larawan na ibinahagi ni Joshua makikita na masaya silang namasyal sa kanilang out-of-the-country trip.
Kasalukuyang bida si Kathryn sa sikat na primetime series na 2 Good 2 Be True habang si Ria ay bahagi ng cast ng upcoming ABS-CBN thriller series na Cattleya Killer.
Samantala, ipinost ng aktres ang trailer ng kanilang papalapit series sa IG, “To be able to do this for ABSCBN amidst everything that has happened is already such an honor but to be able to make history with this for Filipinos is something else.
Hope you guys like what we came up with… Grabe the people I worked with — so much talent, passion and dedication. with so much pride and excitement, let me share with you the trailer for CATTLEYA KILLER,” aniya.
