Pinusuan ng mga netizens ang larawan ng Angkas driver na nakunan ng isang photographer habang binabasa ang mensaheng ipinadala sa kaniya ng kaniyang asawa.
Kuwento ni Dominic Sales sa kaniyang Facebook post, naisipan niyang sumakay ng Angkas patungong Mall of Asia noong isang araw at ligtas naman siyang naihatid ng driver sa parking lot ng mall.
Pinasalamatan niya umano si Kuyang Angkas subalit mistulang hindi siya nito narinig dahil abala ang driver sa pagbabasa ng message sa kaniyang phone.
Ang mensahe ay mapapansing nagmula sa misis ng driver na nakikiusap na umuwi na ito dahil halos isang araw na raw bumibiyahe sa kalsada.
“’Tay uwi ka na. Saan ka na Tay?” ayon sa unang mensahe.
“Tatay uwi ka na 24 oras ka na nagbiyahe,” sumunod na mababasa sa pangalawang mensahe.
Humanga naman si Dominic sa message na natanggap ni Kuya bagama’t hindi niya ito sinasadyang basahin dahil kinunan niya lang umano ng larawan ang driver.
“I apologize for posting this, but I feel compelled to do so in order to recognize your greatness as a husband or a father. You will surely inspire many people, and I am now one of them!” wika ng photographer.
“I gave you a 5-star rating not only as an Angkas driver, but also as a MAN OF PERSEVERANCE for working all day and night to provide a meal for your family while sacrificing your health and sleep! You truly embody “HALIGI ng TAHANAN.” I pray that you can go home safe, reset, sleep and have a good meal with your family,” dagdag pa ni Dominic sa kaniyang post.
Umantig naman sa mga netizens ang larawang ito ni Dominic na agad nag-viral sa social media.
Heto ang ilang comments:
“…Thank you sa pag appreciate ng trabaho namin sa kalsada.. mahirap talaga pero dahil sa pamilya.. lahat lumalaban.. Salute sa lahat ng nagtatrabaho sa kalsada..”
“Alam ko lahat tayo may karapatan to complain about life because I do that a lot, pero photos like this make me think na there are people who have it worse than I do. It makes me think minsan na I should be grateful for what I have because a lot of people work to acquire it.” dagdag naman ng isa pa.
“Kaya be good to others po, kasi di natin alam kung paano sila kumayod para sa pamilya nila. Salute sayo kuya, sana po di kayo magkasakit, May God bless you more than you deserve!”
Marami rin ang nagsabing sana raw ay alagaan din ni Kuyang Angkas ang kaniyang kalusugan para na rin sa pamilyang naghihintay lagi sa kaniyang pag-uwi.