Nag-viral at umani ng sari-saring reaksyon mula sa netizens ang ibinahagi na screenshot ng usapan ng Pinoy online gamer na si H2WO at kaniyang nanay hinggil sa isyung pinansiyal ng kanilang pamilya.
Sa Facebook post ni H2WO o John Paul Salonga ng Nexplay EVOS, ipinakita niya ang naging usapan nila ng kaniyang ina na si Susana Campos Miranda na noong isang araw ay nag-live stream sa Tiktok para ilabas ang kaniyang saloobin hinggil sa kanilang personal at pinansiyal na isyu.
“As much as possible ayoko sana gawing public to dahil usapang pamilya ‘to. Ito pinaka masakit na pwede ko gawin sa buong buhay ko, ang ilabas yung kwento ng family ko sa public,” saad ni H2WO.
“Kailangan ko gawin kasi ang dami ng taong nadadamay, mga taong mahal ko at ni rerespeto ko na hindi naman dapat nadadamay,” wika pa nito.
Batay sa kanilang naging usapan, humihingi ng pang-grocery ang nanay ni H2WO kaya hiningan niya ito ng resibo para raw matantiya niya ang ipapadala sa ina kada buwan.
“Ma, next time po pwede ko po bang hingin lahat ng resibo? Para ma tansya ko po kung magkano po ipapadala ko sa inyo, minamanage ko na po kase mga pumapasok at lumalabas na pera,” sagot ng gamer sa kaniyang nanay.
Paliwanag ni H2WO sa caption, palaging kinakapos ang kaniyang nanay na binibigyan niya ng P25,000 kada buwan kaya nais niyang malaman kung magkano dapat ipapadala sa kaniya nang buo.
Mistulang may problema rin ang nanay sa ate at ama ni H2WO dahil nabanggit ito sa usapan. Ayon sa ina, “Utos b yan ng Ate mo? Baka may nagsulsol na sayo n wag mo na ako bigyan ama at ate mo,” wika nito.
Nabanggit din ng nanay na titira na lamang siya sa bundok para daw ‘di na siya mabigyan ng allowance ni H2WO.
Sagot naman ng gamer: “Ma, bakit po kayo titira sa bundok e pinagawan ko nga po kayo ng bahay para komportable kayo?”
Marami pang nabanggit sa usapan na tungkol sa isyu ng pera at mayroon ding nadamay na ibang tao kabilang na ang nanay ng kapwa gamer ni H2WO.
Sa huli ay humingi ng paumanhin si H2WO sa lahat ng nakaladkad sa isyu ng kanilang pamilya. Sana raw ay maunawaan siya at ang kaniyang mga kaanak sa pinagdadaanan nila ngayon. 
“Gusto ko din maghingi nang tawad sa papa at ate ko, alam ko yung stress na dinanas niyo simula bata pa kame nina kuya,” saad ni H2WO.
Tunghayan ang kanilang usapan sa Facebook post ni H2WO at kayo na ang humusga.
Panoorin din ang video ng kaniyang nanay: