Isa ka ba sa mga fans ng animated shows na sikat na sikat sa bansa noong 1990s at early 2000s? Kung ganoon, tiyak na ibabalik ka sa panahon ng Christmas tree na inspired sa popular animated show na Cardcaptor Sakura.
Sa Facebook, ibinahagi ng page na Giorgia Costumes ang kanyang Christmas tree idea na ang inspirasyon ay nagmula sa isa sa mga animated show na bumuo sa kabataan niya; isang creation na talaga namang ikinatuwa ng mga “young once” at “kid at heart”.
Image via Giorgia Costumes’ Facebook page
“I’ve had a lot of people interested in my Cardcaptor Sakura tree, and I realized that the video was quite blurry and didn’t show all the details. So here’s a photo collage of my tree [Marami ang naging interesado sa Cardcaptor Sakura tree ko, at napagtanto ko na medyo malabo pala ang video ko at hindi nito naipakita lahat ng detalye. Kaya ito ang isang photo collage ng Christmas tree ko]!” saad ng creator sa caption ng photo collage ng Cardcaptor Sakura-inspire Christmas tree niya.
Pagbabahagi ng artist na gumawa, maging siya ay natuwa sa kinalabasan ng kanyang Christmas tree idea na puno ng mga bagay na may kinalaman sa Cardcaptor Sakura, gaya na lamang ng mga Clow Card na naging popular din na laruan noon dahil sa kasikatan ng palabas.
Image via Giorgia Costumes’ Facebook page
“I ended up putting it together twice, because the first time I stuffed it in a corner of the house next to my bookshelf, but it came out so pretty that I wanted it in the middle of my lounge room. So of course, when moving it I klutzed out and everything fell to the ground. So here’s Tree v2.0 (Dalawang beses kong inayos ang Christmas tree dahil noong una ay nakalagay ito sa sulok ng bahay ko katabi ng lalagyan ng mga libro, pero nagandahan talaga ako kaya minabuti kong ilagay ito sa gitna ng aking lounge room. At siyempre, habang naglilipat ay may mga nahulog na piraso. Kaya heto ang version 2.0 nito)!” aniya.
As of posting, nakakuha na ng libo-libong Facebook reactions at mahigit 10,000 shares ang kanyang kahanga-hangang disenyo.
Christmas tree inspiration: Animated series Cardcaptor Sakura
Sa popular animated series na Cardcaptor Sakura, si Sakura—isang simpleng batang babae na may simpleng buhay—ay nakakita ng isang aklat ng Clow Cards sa isang library, kung saan nakawala ang mga mahiwagang baraha. Dahil dito, naging misyon na niyang hanapin at hulihin ang mga ito sa tulong ng kanyang matalik na kaibigang si Tomoyo at ang guardian ng mga Clow Card na si Kerberos.