Handa ang pamahalaan na maghatid ng kinakailangang tulong sa mga nasalanta ng bagyong Odette; ito ang mensahe ni Pangulong Rodrigo Duterte sa mga residente ng mga lugar na pinadapa ng malakas na bagyo.
Tiniyak niya na hindi sila nakakalimutan ng gobyerno. Ginagawa umano ng kanyang administrasyon ang lahat upang maghagilap ng pondo para sa mga typhoon victims.
Image from PNA
“I visited Palawan earlier today and then I came here before I go home to Davao. I came here to let you know that the government has not forgotten you. The government is working very hard, and the government is doing all that it can to find money for you,” wika ni Pangulong Duterte nang bumisita siya sa Cebu.
Aniya, mayroon nang listahan ang Department of Social Welfare and Development ng mga qualified na mabigyan ng ayuda.
Sinabi rin niya na mamamahagi ng pondo sa mga local government units na apektado ng bagyo at ang Department of Interior and Local Government ang mamamahala upang maisakatuparan iyon.
“So the only thing we need now is your cooperation. We in government are ready, we are ready to provide. So what we’re aiming for now is a peaceful implementation because everyone will get their fair share anyway,” wika ni Pangulong Duterte.
Bukod sa mga relief goods, namamahagi rin ang pamahalaan ng mga construction materials na magagamit ng mga residente sa pagkukumpuni ng mga nasira nilang bahay. Nag-deploy ng mga pulis upang maging maayos ang pamamahagi ng mga iyon.
Image from PNA
“Don’t get angry that there will be policemen that will watch over you. This is to prevent any chaos. You know, it starts with a crowd control problem, but it could degenerate into a mob rule. So that’s what we’re trying to prevent,” pakiusap ng Pangulo sa mga residente.
Sa speech niya, ipinangako ni Pangulong Duterte ang P10 billion disaster response fund.
Image from PNA