Ang Presidential ship na BRP Ang Pangulo ay ginawang floating hospital upang magamit ng mga residente ng Siargao Island, Surigao del Norte na naapektuhan ng bagyong Odette.
Nagbibigay ng libreng medical services sa mga residente ng nabanggit na lugar ang medical teams mula sa Philippine Navy at Eastern Mindanao Command ng Armed Forces of the Philippines.
Image from the Philippine Navy
Umabot na sa tatlumpu’t anim na residente ang ginamot sa floating hospital kabilang ang mga nakaranas ng hypertension at diarrhea.
Marami sa mga sinalanta ng bagyo sa isla ng Siargao ang na-oospital sanhi ng diarrhea dahil sa kawalan ng makukunan ng malinis na inuming tubig.
Kasabay ng pagbibigay ng medical assistance bilang isang floatinghospital, ang BRP Ang Pangulo ay nagdala rin ng mga relief goods at construction materials para sa recovery at rehabilitation ng mga komunidad sa Mindanao na napinsala ng bagyong Odette.
“The now repurposed 10-bed floating hospital ship, ACS25, departed Manila on December 19, carrying thousands of relief goods and other essential items intended for the ‘Odette’ affected populace in Mindanao,” pahayag ng Navy spokesperson na si Commander Benjo Negranza.
Ksamang dumating ng BRP Ang Pangulo sa Surigao Del Norte ang landing craft ng Philipipne Navy na BRP Ivatan upang maglipat ng mga kargamento mula sa Presidential ship patungo sa Siargao Island.
Ang presidential yatch at landing craft ay bahagi ng 19-ship humanitarian aid-focused flotilla ng Philippine Navy na idineploy sa lugar na sinalanta ng Odette.
Image from the Philippine Navy
“The PN uses all of its available resources to assist in disaster-stricken areas, ensuring flexible and timely delivery of relief goods to aid fellow Filipinos affected by ‘Odette’ in overcoming their ordeals,” sabi pa ni Commodore Negranza.
Samantala, nag-donate ng mga water purifier, solar panels, food packs, hygiene kits at libo-libong kilo ng bigas ang bansang Israel sa Siargao Island residents.
Sinabi ni Israeli Ambassador Ilan Fluss na sinisilip din nila ang pangmatagalang tulong para sa rehabilitasyon ng mga medical centers.
Image from Embassy of Israel