Hindi lingid sa kaalaman ng marami kung gaano pinahahalagahan ng former celebrity housemate na si Alexa Ilacad ang mga hayop, kaya naman nang makakita ito ng stray cats sa labas ng kinainan nilang restaurant, hindi na nag-atubili pa ang aktres na bumili ng cat food para ipakain sa mga ito.
Sa Twitter, ibinahagi kamakailan ng isang user na nakasama umano niya si Alexa at sa isang dinner at doon ay siya mismo ang nakasaksi kung paano ituring ng aktres ang mga stray cat na nakita nila noong gabing iyon.
“I can attest to this! When @alexailacad, Tita Dina, and I had dinner pre-pandemic, there were cats outside the restaurant we were at so we went to the grocery and bought some cat food for them!” kuwento saad niya sa caption ng mga litrato. Ito ay bilang reaksyon niya sa old tweet ng isang supporter ng young actress noong nasa Bahay ni Kuya pa ito.
Hinangaan ng maraming netizen ang ginawang ito ni Alexa dahil talaga naman daw naisingit pa ng aktres ang pagbili ng cat food at pagpapakain sa stray cats kahit ang oras na iyon ay para sana sa kanyang sarili.
Matatandaang nagpahayag din ng suporta ang PAWSsion Project sa aktres noong nasa Pinoy Big Brother house pa ito, “Stay strong, Alexa. We just want to share that prior to Alexa joining PBB, we got contacted by her mom asking for a video message to be shown to her as she’d always tell her mom that the reason why she works hard is so she can give back to the animals. She’s always tried in her own little ways to help strays and rescues, rescued and adopted a cat herself, even sang for our online benefit concert, and then now, wearing our Rescue shirt on this reality show.”
Magugunita rin na pinili ng aktres na ipagdiwang ang kanyang 18th birthday kasama ang mahigit 300 rescued animals sa Philippine Animal Welfare Society (PAWS) noong 2018.
