Idinetalye ng TV patrol host na si Gretchen Fullido ang kaniyang pinagdaanan matapos magpositibo sa COVID-19.
Sa isang Instagram post, sinabi ni Gretchen na nagpositibo siya sa RT-PCR at antigen tests noong January 3 kaya naman agad siyang nag-isolate. Uminom din siya ng supplements at mga gamot na makatutulong upang lumakas ang kaniyang immune system.
Imahe mula sa Instagram | Gretchen Fullido
Aniya, sa unang dalawang araw ay nakaranas siya ng pananakit at pangangati ng lalamunan, headache, cough, colds at runny nose, joint pain at fatigue, at naramdaman niyang tila lalagnatin siya.
“I started drinking my supplements and meds right away when I tested [+] and when the symptoms showed up on day 1.
Sa ikatlo at ikaapat na araw naman ay nakaranas siya ng improvement. Hindi na raw sumasakit ang kaniyang ulo. Nabawasan na rin ang kaniyang ubo at sipon ngunit nawalan siya ng boses. Sa mga araw na ito rin niya naranasan ang brain fog.
Noong day 5, bagama’t nag-improve na ang kaniyang mga sintomas ay nakaranas siya ng shortness of breath.
Imahe mula sa Instagram | Gretchen Fullido
“It was a little hard to talk on the phone and I was catching my breath but my oximeter said my O2 levels were good. Overall, it was very manageable. I even watered my plants & did light household chores,” dagdag niya.
Sa ikapitong araw ng quarantine ay nagnegatibo na siya sa antigen test ngunit mananatili raw siya sa isolation.
“Even if I no longer have symptoms and I feel okay, completing the DOH’s 10-day isolation and quarantine protocol is a must. Make sure to get your doctor’s clearance if you can be released and to know if you are fit to work,” paalala ni Gretchen.
Imahe mula sa Instagram | Gretchen Fullido
Nagpapasalamat din siya dahil bakunado siya at nakakuha na rin ng booster shot.
“VACCINES REALLY SAVE LIVES. Please get vaccinated and get a booster shot as soon as you can so we can protect ourselves and others. Let’s be responsible and compassionate to one another. Praying for healing and for everyone’s health and safety,” sabi ni Gretchen.