Natural na sa dating sexy actress na si Liz Alindogan ang maganda at masayahing disposisyon kaya hindi katakataka na nahuhumaling siya sa pagti-TikTok.
Bukod sa masaya at enjoy siya sa ginagawang TikTok videos ay marami pa siyang followers na napapaligaya na palaging naghihintay ng bago niyang pakwela at pagsasayaw.
Image from Liz Alindogan
Pero sa kabila ng aliw na ibinibigay niya, mayroon pa ring ilan na nagagawa siyang okrayin, tulad na lang ng isang may username na “Bawal Buraot” na tinawag siyang matanda na at matagal nang laos.
“Matanda ka na po idol. Matagal ka na po laos,” pang-ookray ni Bawal Buraot sa aktres.
Pinatulan ni Liz si Bawal Buraot at nag-post ng sagot niya rito.
Narito ang mahabang talak ni Liz kay Bawal Buraot (edited for easy reading):
“Buraot, bigay mo sa akin Gcash mo. Padalhan kita ng panggastos at pangkain baka nalilipasan ka parati ng gutom at bitter ka sa buhay hahaha.
Lahat tatanda at puwede maging laos or mag–stop mag–iba ng career, job, etc. ‘Di ko naman sinasabi na sikat ako. Nag-TikTok lang naman ako at na–feature pa ako sa TV Patrol Kay Marc Logan with views of 900 thousand for that one video only, in just a few days.
Eh, kung mag–stop na sa career at age 22 at the peak of your career, eh talagang mawawala ka na sa circulation. Choice ko ‘yun. Tama na siguro ang almost 93 movies na nagawa ko in 6 years. Ang importante until now masaya, contented, buo pamilya, professionals and tapos na sa school ang mga anak, maganda buhay, healthy, may naipon, my work pa rin at kinuha ng Viva as Viva contract artist, doing movies again if I Iike the role and want to accept it, and have other work earning as president of our family corporation, etc.
And most importantly nasa Panginoon at dami blessings. Ano problema mo, buraot? Lahat ba na nag-TikTok para sa sikat lang? Sorry ha, or baka gusto mo ba maranasan sumikat?”
Image from Liz Alindogan
Si Liz Alindogan ay naging leading lady ni Dolphy sa ilang pelikula at ni “Da King” Fernando Poe, Jr sa “Ang Panday” noong 1980.
Noon lang nakaraang taon, September hanggang December, ay gumanap siya bilang lola ni Julia Barretto sa TV5 drama series na “Di na Muli.”
Image from TV5