Kaya pala madalas na suot ni Nadine Lustre sa kanyang mga pictorials ay kulay puti o kaya naman ay sleeveless na damit ay dahil sa problema niya sa kanyang underarm.
Sa vlog ng beauty doctor na si Dr. Aivee Teo na dinalaw ni Nadine bago matapos ang taong 2021 ay inamin ng aktres ang problema sa kanyang kili-kili.
Image from Nadine Lustre
Sobra daw siyang magpawis sa bahaging iyon ng katawan kaya hindi siya nagsusuot ng mga de-kolor na damit.
“My issue is that I can’t wear grays, I can’t wear anything colored. Red, I cannot wear. That’s why I never wear colored clothes. Because when I sweat, it’s really here sa back. I sweat a lot,” sabi ng nagpapakatotoong aktres.
“Oh Wow! This is the first time we’re actually talking about that. Kasi no? Parang mas before kasi parang we really never had the chance to do the treatment, no?” sagot naman ng nasurpresang si Dr. Aivee.
Kaya siya nagtungo sa Aivee Clinic na matatagpuan sa BGC sa Taguig City ay para mabigyan na ng solusyon ang kanyang underarm problem. Excited na raw siyang makapagsuot ng mga colored na kasuotan.
“So, finally I’m doing it and I’m really excited to wear colored clothes,” anang aktres.
Image from Nadine Lustre
“This is the right treatment for you,” sabi naman ng beauty doctor to the stars.
Botox injections ang ginawa ni Dr. Aivee sa magkabilang kili-kili ni Nadine. Isa raw ang pagtuturok ng botox sa underarm para maiwasan ang sobrang pagpapawis nito.
Puwede raw sumailalim sa naturang treatment ang aktres dalawang beses sa isang taon.
“So, this is something you should try and see how you like it. And then, we could do it every four to six months or twice a year, “ sabi ni Dr. Aivee.
In less than five minutes ay tapos na ang procedure.
Biro pa nga ni Dr. Aivee, mas mahaba pa ang kuwentuhan nila ni Nadine kaysa sa itinagal ng botox treament.
Click to watch Aivee Day’s vlog