Paano kung sa paglipas ng panahon ay nagsisitanda ang mga tao sa iyong paligid, ngunit ikaw ay nanatiling bata? Ituturing mo kaya itong blessing? O tila isang sumpa?
Ganyan siguro ang tumatakbo sa isip ng mga nakararanas ng tinatawag na ‘stunting; gaya ng pinagdaraanan ng isang disiotso anyos na teenager sa Palawan.
Kung titignan mo siya, iisipin mong nasa edad sais lamang siguro ang taong ito; isang batang nasa kindergarten pa lamang. Ngunit ito pala ay nakaapat nang karelasyon sa nakalipas na taon?
Imahe mula sa KMJS
Sino si Ral?
Marami ang naaalarma pagkat pabata na raw nang pabata ang mga nakikipagrelasyon sa panahong ngayon, at may mga maagang napapasubo sa pag-aasawa sa mga kabataan ngayon.
Siguradong mapapailing ang mga tao kapag nalamang ang batang may taas na 3 feet at 6 inches ay nagka-dyowa na; naka-apat pa! Siya si Ralhnero Dacasin o mas kilalang Ral, na mula sa Narra Palawan. Pangalawa siya sa apat na magkakapatid ngunit siya lamang ang bukod-tanging napag-iwanan sa taas.
Pero ang inaakalang bata ay hindi na pala bata kundi isang teenager, na sa gitnang bahagi ng taong ito ay mag-eedad disinuwebe na. Mapapa-‘what?’ ka talaga.
Sa programang KMJS o Kapuso Mo, Jessica Soho (One at Heart, Jessica Soho) ay ipinalabas ang kuwento ni Ral noong Linggo lamang, Enero 9. Na-curious ang marami sa kuwento ng kanyang lovelife. Aba’y nakaapat na palang girlfriend?
“Siguro na-aatract dahil magaling akong mambola, magaling ako magjoke, siguro sa appeal ko at maganda akong mag-ayos,” pagbabahagi ni Ral nang makapanayam ng KMJS.
Mabait at masipag naman daw mag-aral si Ral kaya pagkatapos mag-aral ay binibigyan naman nito ng oras ang nagiging nobya. 2018 umano nang unang magkaroon ng nobya si Ral.
“Sumama po ako sa kanila sa padagat, nag-outing po kami minsan nireregaluhan ko po ng mga kuwintas, purselas,” saad pa niya.
Magalang, malambing at mapagmahal umano si Ral kahit sa mga magulang ng mga naging karelasyon niya.
Imahe mula sa KMJS FB Account
Subalit nagka-love life man si Ral, ang mga nakarelasyon niya ay hindi nagtagal dahil sa sari-saring kadahilanan. Ngunit ang kadalasang pangunahing dahilan ay ang pagiging maliit niya.
Dahil sa kanyang kondisyon, minsan ay inaasar o binubully pa siya. Naroon ang tawagin siyang tiyanak, maliit at minsan ay sinasabihan na, oh kapatid mo? dagdag pa niya, kapag nakakasama raw umano ang kanyang nobya.
Sa ngayon ay may karelasyon si Ral na nakilala naman niya sa kanilang online ministry. On off man ang relasyon masaya naman daw sila.
Inamin niya sa KMJS na minsan ay naiinis siya sa kanyang sarili; kung bakit nagkaganun siya at hindi na lumaki pa. i
Bakit nga ba hindi tumatanda ang kanyang hitsura?
Sa tulong ng KMJS at ng mga team nito dinala siya sa isang ospital at doon ay ipinasuri. Ngunit wala namang nakitang ibang problema ang doktor, kundi mayroon siyang ‘Stunting o Stunting malnutration’.
Ano nga ba ang Stunting at paano nagkaroon nito?
Imahe mula sa KMJS FB account
Ang pagkakaroon ng Stunting ay kapag ang isang bata ay may mababang taas para sa kanilang edad. Kadalasan ito ay dahil sa malnutrisyon, paulit-ulit na impeksyon, and/or poor social stimulation.
Humihingi naman ng tulong ang mga magulang ni Ral dahil sa sila ay mahirap lamang, Sa mga nais tumulong, maaaring magdeposito sa: Metrobank San Pedro, Puerto Princesa Palawan
Panoorin ang kabuuang video ng KMJS;