Kaya mo bang mag-planking? E yung mag-hula hoop habang nagpa-planking?
Isa si Kai Sandmeyer, 30-anyos, sa mga may kakayahang mag-hula hoop habang nagpa-planking, kung saan nagkamit siya ng Guinness world record.
“I currently hold the record in longest duration hula hooping in abdominal plank position with 6 minutes and 34 seconds,” aniya.
Kakaibang world record, ‘di ba?
Ayon kay Sandmeyer, na isang IT professional sa Germany, napanood niya ang video ng dating may hawak ng record na tumagal ng 3.14 minuto sa paghu-hula hoop habang naka-plank position.
Dahil dito ay naengganyo siyang lampasan ito at tumagal naman siya ng 3.64 minuto.
Inamin ni Sandmeyer na ang planking ay mahirap at nakapapagod habang naghu-hula hoop.
“The hardest part is the plank. I hardly notice the hula hoop, which I’ve known since childhood. So that’s really not the problem, but holding the plank for that long is very tiring and had to train properly for it.”
Para makamit ito, nagsanay si Sandmeyer araw-araw sa kabila ng pagiging abala sa trabaho.
“Yes, I practiced, especially the plank, really intensively in the morning before work and some more after work. Somehow I tried to keep the whole body a bit healthier because the plank just affects all the muscles.”
“At the weekend or after work, I tried to do both from time to time. Actually, only the plank was the really difficult part.”
Pero challeging din daw ang mismong proseso dahil sa requirements para mag-qualify.
Nakasaad ang mga ito sa isang 36-page rule book. Kabilang dito na dapat ay makunan siya ng video sa iba’t-ibang anggulo habang ginagawa ang world record attempt.
Kailangan ding sa pampublikong lugar ito gagawin at may dalawang opisyal na witness para mag-validate ng record.
Pinili ni Sandmeyer ang isang school gym para dito. Bukod sa ‘planking while hula hooping’, may isang record attempt pang naiisip si Sandmeyer.
“Yes I was thinking, If that doesn’t work, there’s no record yet for doing push-ups during hula hoop.”
“That might be another idea. And since there is no record yet, 10 push-ups would probably be enough but actually, the bureaucratic effort is just too much for me.”
Hindi raw siya handang dumaan muli sa butas ng karayom sa dami ng requirements. Kaya sa ngayon, sapat na kay Sandmeyer ang kanyang Guiness World Record.