Patuloy na nagbibigay ng tulong ang aktres na si Nadine Lustre at ang boyfriend nitong si Christophe Bariou sa mga biktima ng bagyong Odette sa Siargao.
Ang mga larawan at video ng dalawang kalahok sa aktibidad ay ibinahagi ng ilang netizens sa social media.
Humigit-kumulang dalawang buwan mula nang mangyari ang sakuna, namataan ang aktres at si Christophe na nakikibahagi sa isang feeding program sa munisipyo ng Pilar sa Siargao noong nakaraang Linggo.
“Nadine Lustre conduct feeding program to all affected super typhoon Odette at Caridad,Pilar, Surigao del Norte. Thank You!” nakasaad sa FB post ni Richard Tesado Pomoy.
Ang ilang sandali mula sa feeding program ay nakunan din ng Siargao Community Kitchen at ipinakita sa pamamagitan ng fan account na si @alwaysjdn sa Instagram, nitong Huwebes din.
“Thank you @nadine and @kimcrooz for helping us with our Caridad food drop off!” wika ni @alwaysjdn.
Samantala, ipinakita ng isa pang tagahanga, @switch16, sina Nadine at ang nobyo na tila nasa isang pulong kasama ang mga miyembro ng komunidad sa pamamagitan ng Instagram.
Nagpapasalamat naman ang isang fan, “Thanks Nadine Lustre and company for coming #ChrisDine.”
Sa isang post naman sa Twitter ng Naddicts Official sa larawan makikita na talagang tumutulong ang aktres sa pagbibigay ng mga pagkain, “Another day, another kitchen.”
Kinumpirma ni Nadine ang pag-iibigan nila ni Christophe noong Enero, nang mag-post siya sa unang pagkakataon ng larawan nila na magkasama.
Unang napabalita ang dalawa noong kalagitnaan ng Agusto 2021, nang makunan sila ng litratong magkasama.
Nanirahan ang aktres sa Siargao ilang buwan na rin ang nakalilipas. Si Christophe ay may-ari naman ng isang resort sa Siargao.
Kamakailan ay nagbigay ng tulong sa mga survivors ng bagyong Odette si Nadine at ang kasintahan sa pamamagitan ng pagpapa-install ng solar panel para sa mga residente ng Brgy. Malinao, Siargao.
“It’s ant work here in the island. I see everybody trying to help their own area of responsibility. Things are finally improving but we need all the help possible,” ani Christophe sa kanyang FB wall.