Napahanga ang netizens matapos mag-viral ang larawan ng aktres na si Nadine Lustre na nagpakuha ng larawan habang nakayapak sa Siargao.
Sa larawang ibinahagi ng JaDine Moments, makikita si Nadine na naka-pose para sa litrato kasama ang dalawang fans. “Just Nadine walking around barefoot in Siargao,” anila sa caption.
Komento ng kaniyang mga taga-suporta, lalo silang humanga sa pagiging simple ng aktres sa kabila ng kasikatan nito.
“Wow. Nakakahanga ang pagiging simple at down to earth. God bless you, Nadine,” sabi ni Rutchie S.
“That simplicity of yours Nadz makes me like you deeply,” komento naman ni F. Espinosa.
“Kapag wala ka nang dapat patunayan at may pera ka, you will end up finding true happiness talaga sa oras na gustuhin mo,” sabi naman ni A. Tan.
Ang ilan naman, hindi naiwasang ihalintulad si Nadine sa aktres na si Andi Eigenmann na pinili ring manirahan sa Siargao.
Sa vlog ni Dr. Aivee Teo, sinabi ni Nadine na nagkaroon siya ng “180-degree life change” nang magdesisyon siyang manirahan sa Siargao.
“Honestly, I feel great. I feel like there’s a lot of weight that’s been lifted and it just feels like life in Siargao is so simple,” sabi noon ni Nadine.
“One of my biggest realizations was that here in Manila, for some reason, I was making my life so complicated and so difficult but when I moved there, I realized that life isn’t so difficult after all.”
[RELATED: Nadine Lustre ibinahagi ang mga aral sa pagtira sa Siargao]
Nagagawa niya rin daw sa isla ang mga bagay na hindi niya basta-basta magagawa kung sa lungsod siya nakatira, kagaya ng pagkain sa carinderia at pagbili sa tindahan.
Gayunpaman, hindi raw tatalikuran ni Nadine ang show business.
“That island really has magic…I still love my work, I still love being in the industry. [But] when I’m there, I’m a different person. When I’m here, I’m a different person. Best of both worlds.”