Sa kabila ng pagkakaroon ng six-figure monthly income sa isang software company sa Singapore, nagpasya ang isang Overseas Filipino Worker (OFW) na bumalik sa Pilipinas pagkatapos ng 14 na taong pagtatrabaho para magsimula ng sarili niyang negosyo.
Ayon kay Christian Abellaneda, dahil sa COVID-19 pandemic, napagtanto niya na mas mabuting umuwi at makasama ang kanyang pamilya dahil matagal tagal din itong nahiwalay sa kanila.
“It was last year actually when I went home, ano na ‘yan, kasagsagan na ng pandemic, ‘di ba? That made me think actually na, I felt that probably it’s time to come home,” aniya sa videong ibinahagi ng Philippine Star via Facebook.
Nabanggit din ni Christian na ang kanyang desisyon na umuwi sa Pilipinas ay nagbigay-daan sa kanya upang makabawi sa nawalang oras sa kanyang pamilya matapos magtrabaho sa ibang bansa ng mahigit isang dekada.
“I don’t want to come home when I’m really old and I would regret the time that I haven’t spent with family and friends back here in the Philippines.” Higit nga naman sa lahat ay ang pamilya. Ang panahon ay hindi naibabalik kaya’t mahirap magsisi tulad ng ibang OFW na naging ‘istranghero’ na sa pamilya dahil sa ilang dekadang naging magkakalayo sila.
Sa ilang taon ay nagtrabaho si Christian nang maigi para lamang makakuha ng mataas na suweldo at nagsakripisyong magtrabaho nang malayo sa kanyang pamilya.
Pag-uwi niya, humanap siya ng paraan para sulitin ang perang naipon niya bilang OFW at mapaikot ito.
“I first started a home-based baking business, actually. Kasi even before, even in Singapore actually, I will bake on weekends or when I’m free, I will sell it to my neighbors or my friends.”
Nagdesisyon si Christian na um-attend sa zoom meetings para matuto at mapagplanuhan ang susunod na mga hakbang para sa kanyang negosyo.
“That’s when I decided na sabi ko, “Oh siguro since I love food, that’s why I decided to start a small food cart and then also because it’s the pandemic and lahat tayo, kailangan ng gamot, so I mean, you know I think a drugstore or a pharmacy is a pandemic-proof business.”
Noong Oktubre 2021, nag-invest si Christian ng humigit-kumulang P1 milyon para ilunsad ang kanyang sariling food cart business sa isang mall sa Maynila at isang drug store sa Cainta, Rizal.
Gayunman, aminado si Christian na hindi gaanong malaki ang kita sa kanyang dalawang business ventures kumpara sa P300,000 monthly salary niya sa Singapore, pero iginiit niyang hindi niya pinagsisisihan ang desisyon niyang bumalik sa Pilipinas.
“Sobrang nanibago. In fact, now ko nga na-realize, sabi ko, ang dami ko pa lang pera dati.
Pinayuhan ni Christian ang mga kapwa OFW na i-maximize ang kanilang oras sa pag-iipon para sa kinabukasan habang nagtatrabaho sa ibang bansa.
“I am not yet a success story but I hope to inspire others,” aniya sa kanyang Facebook wall. “So many realizations these past several months since I started my small businesses – a foodcart and a pharmacy. I can now say I underestimated the stress and challenges haha.”
Pagpapatuloy niya, “But you know what? I will do this again in a heartbeat! The lessons I’ve learned and continue to learn cannot be learned in any school. You can only learn it from the school of life as a business owner! While it is true that business is not for everyone and there is a right time to do so, it is really a priceless and worthwhile experience. I know it takes more than luck to make this work but I won’t mind you wishing me luck 🙂 . If you have read this far, thank you!”
Panoorin ang feature sa kaniya ng PhilStar: