Beauty-queen-turned actress na isa sa pinakamagagandang mukha ng kanyang panahon, hindi na nakapagtataka kung marami ang napaibig ng Binibining Pilipinas-International 1986 na si Alice Dixson. At kamakailan nga, inamin ng beteranang aktres na may nanligaw sa kanyang politicians noong kasikatan niya pero wala siyang nagustuhan ni isa man sa kanila.
Ayon sa Pika Pika, dahil gaganap bilang ex-fiancee ni President Glen Acosta (Gabby Concepcion) sa First Yaya sequel na First Lady, naitanong kay Alice kung sumagi ba sa isip niya na maging first lady o asawa ng isang pulitiko. Dito na napakuwento ang aktres na gaganap sa role ng babaeng magpapahirap ng loob ni first yaya-turned-first lady na si Melody Acosta (Sanya Lopez).
“Merong mga nanligaw, pero hindi ko sila type,” natatawang tugon ni Alice. “Pero to be first lady, hindi ko siya naisip. There are a lot of suitors din sa political side, but wala talaga akong na-type-an.”
Samantala, naitanong din kay Alice kung dapat bang may kinalaman ang mga first lady sa public service career ng kanilang mga asawa. Para sa kanya, wala naman daw sa kahit anong titulo ang pagtulong sa kapwa.
“You don’t have to be beauty queen to have the heart to help our countrymen,” aniya. “Lahat tayo, we can do our part. And sa akin, importante talaga ang mga babae sa isang relationship, sa buhay ng kanilang asawa whether they’re in public service or not.”
“Narinig ko ito sa isang movie, pero totoo po ito…that men are the head of the family but the women are the neck. We can actually direct where the head goes,” natatawang dagdag niya. “Pero totoo ’yan. We can actually lead or sway or lead the men to the right direction also.”
Ang ‘First Lady’ na eere na ngayong Valentine’s Day ang magsisilbing reunion project nina Gabby at Alice na napakatagal na rin daw hindi nagkatrabaho.
“I’m a lawyer here. I’m the former love interest of Gabby. I came back because we have history that she needs to settle, kumbaga,” kuwento ng aktres na napa-reminisce pa nang balikan ang unang pelikula nila ng aktor.
“Actually, one of the first movies that I ever did was with Gabby,” aniya. “I think, I was only 17 or 18. It’s actually nostalgic to recall those days. ‘Yong mga single pa kami, mga bagets pa kami…masaya, ’di ba? And it was a pleasure working with Gabby.”
