Finlex ng isang misis ang kanyang mister sa Facebook page na Home Buddies. Aniya, “so blessed to have him as my partner.”
Ayon kay Marjorie, ang asawa daw niyang si Rommel Asuncion ang laging hanap-hanap ng kanyang mga anak. Ang mag-asawa ay may tatlong anak na babae at isang lalaki.
Masaya si Marjorie Asncn dahil nakatagpo siya ng sobrang sipag at responsableng mister na halos ito raw ang gumagawa ng mga gawaing-bahay.
“I just wanna show the world how blessed I am to have you,” aniya.
Ang kanyang mister daw ay nagtatrabaho mula 7 ng umaga hanggang 4 ng hapon tuwing Lunes hanggang Biyernes.
Kapag umuuwi ang kanyang mister galing sa trabaho ay nagpapahinga lamang daw nang saglitan at saka ito magluluto ng kanilang ulam. Sabado naman daw ang kanyang pahinga ngunit nagtatrabaho pa rin ito ng kung ano ano sa kanilang bahay.
“Saturday is his pahinga day pero tamang kumpuni pa rin ng mga dapat gawin sa bahay, as you can see mejo, bare type pa ‘yung house namin. ‘Yung patungan ng mga anek anek namin sa kusina sya lang ang may gawa pati ‘ung lamesa na pinagpapatungan ng kalan,” kuwento ng proud na misis.
“Sunday is his laundry day, tagasampay lang ako, literal.”
Halos lahat ng gawain ng babae ay kayang gawin ng kanyang asawa: magluto, maglaba, maglinis ng bahay, mag-alaga ng mga bata. Isa rin siya sa mga magaling magkumpuni ng kung ano ano, plantito, electrician, at construction worker.
“Halaman at gulay ang mga tanim nya, pati pagdidilig sa kanya din, electrician din namin yan, tubero din, siya yung nigkabit ng linya ng tubig namin nung bagong kuha namin tong bahay namin last March 2021,” kuwento ni Marjorie.
“Construction worker, siya nagpalitada ng terrace namin. Taga budget, ilocano siya, he really knows how to handle money.”
“Totoo yun, may mga tao pang kagaya nya and they really exists. Lahat silang magkakapatid (11) ganyan, sobrang pinagpapasalamat ng mga asawa, maasikaso at mapagmahal.”
Marami namang netizens ang nagkomento dahil ang kanilang asawa ay katulad din umano ni Tatay Rommel.
“Proud na proud din ako sa mr. ko naglalaba, nagluluto naghuhugas ng plato, higit sa lahat di mabarkada walang bisyo kaya oras nya sa amin lang, hard working para daw sa mga anak namin, proud ako sa nga ama na ginagawa ang responsibilities para sa pamilya.”
“Ganyan din asawa ko….kahit pinagsabihan ko na na magpahinga na lang total trabaho namin mga misis yan peru ayaw daw nya ako mahirapan…hindi kami mayaman sa pera pru atleast masaya kami…at superblessed ako sa asawa ko wala nang bisyo masipag pa.”
Napakasuwerte naman ng may mga ganyang katuwang sa buhay!