Ang 6-anyos na anak ng celebrity couple na sina Marian Rivera at Dingdong Dantes na si Zia ay nakatanggap na ng first dose vaccine laban sa COVID-19!
Sa Facebook post nitong Miyerkules, ibinahagi ni Marian ang larawan ni Zia na nakaupo sa kandungan ni Dingdong sa loob ng kanilang sasakyan.
Naka-thumbs up ito sa larawan at ipinakita ang benda sa kanyang braso; tanda na ito’y nabakunahan na.
“Ate Zia received her 1st dose of Covid-19 vaccine. Good job Ate Z!” nakasaad sa post ng aktres.
Marami namang tagahanga ang natuwa sa katapangan ng bata.
“Very good girl! So proud of the parents. A very good example to everyone.”
“Thank you for being a brave girl and a good example to other children. May you be an inspiration to parents to have their children be vaccinated.”
“Good girl Zia stay safe and your family God bless to everyone.”
“Good girl baby…so brave.”
“Indeed an inspiring and responsible dad that care and love his child so much very brave family Dantes.”
Bukod kay Zia, nakatanggap na rin ng kanilang bakuna laban sa COVID-19 ang iba pang celebrity children katulad ng mga anak ng mag-asawang Judy Ann Santos at Ryan Agoncillo na sina Luna, 6, at Lucho, 11.
“Finally!! Our little ones got their first dose of Pfizer vaccine today! The waiting time is very forgivable bilang drive thru vaccine, the kids are not exposed to a lot of people… plus the effort that DOH put and the team of doctors headed by dr. @ayenuguid and dr. @romeonuguidmd, with them are more than 50 nurses and doctors facilitating the vaccination,” saad ni Juday sa kanyang caption.
Basahin: Judy Ann, happy mom dahil nakatanggap na ng bakuna sina Lucho at Luna laban sa COVID-19
Sinimulan ng Pilipinas ang pagbabakuna sa mga batang edad 5 hanggang 11 laban sa COVID-19 sa Metro Manila noong Lunes pagkatapos ng ilang araw na pagkaantala dahil sa “logistical challenges”
Ang rollout ay palalawakin sa buong bansa dahil layunin ng pamahalaan na ma- inoculate ang humigit-kumulang 15 milyong mga bata sa nasabing pangkat ng edad, naunang sinabi ng DOH.