Ipinagdiwang ni Enrique Gil ang kanyang ika-30 kaarawan kasama ang kanyang kasintahang si Liza Soberano at ang kanilang mga pamilya sa El Nido, Palawan noong Miyerkules, Marso 30.
Parehong ipinasulyap nina Enrique at Liza ang intimate birthday celebration ng aktor sa Instagram.
“30 is bangin with this crew. For life,” nakasaad sa post ng aktor.
Samantala, nag-upload rin si Liza ng mga larawan, “Paradise is anywhere with you. Happy birthday my love.”
Bukod sa mga birthday photos, nag-post din ang aktres ng Instagram reel na nagpapakita ng romantic moments nila ni Enrique habang nasa El Nido.
“My boy in his element. Happy 30th champ. I love you with all my heart,” nakasaad sa video post ni Liza na edad 24 na.
Higit pitong taon nang magkasintahan sina Liza at Enrique. Nagdiwang sila ng kanilang ikapitong anibersaryo bilang magkasintahan noong Oktubre ng nakaraang taon.
Pagdating naman sa usaping pagse-settle down ay napag-usapan naman na daw nila iyon.
View this post on Instagram
“Im an island boy,” naman ang caption ni Enrique sa IG post niyang nagpapakita ng kanyang kasiyahan sa isla. Bumuhos ang pagbati sa kanyang kaarawan.
View this post on Instagram
Ayon kay Enrique sa isang panayam noong Oktubre 2021, “Of course, we want to take it step by step. That’s why we’re getting into business muna. We are thinking about the future, but we have to concentrate on now.”
“We just want to make sure that when we have our own family, we’re comfortable. Basta we can live comfortably, we’re fine,” dagdag pa nito.
Basahin: Enrique Gil kay Liza Soberano: ‘Forever and always’
Kamakailan ay nagdiwang sila ng Valentine’s Day na ibinahagi ni Enrique sa kanyang social media “Forever and always,” aniya, sa kanyang long-time girlfriend na si Liza.
Sa Instagram, ibinahagi ni Enrique ang larawan ni Liza na may hawak na bouquet of roses sa kanilang date at may kalakip na matamis na mensahe.
“To my gorgeous and only valentine, this is your night my love. Happy Valentine’s Day. I love you forever and always,” sweet na mensahe ng aktor.