Kung magkakaroon muli ng panahon at pagkakataon, hindi raw magdadalawang-isip ang aktres na si Julia Barretto na bumalik sa paaralan at magtapos sa kolehiyo.
Kuwento ni Julia, na gumaganap ngayon bilang isang high school student sa Vivamax Original series na The Seniors, sa kabila ng pagiging abala sa karera, sinikap niyang makapagtapos sa mataas na paaralan at isa raw ito sa pinakamagandang yugto ng buhay niya.
“I think half of high school life I was also working already. I remember my first and second year I was there physically for high school. I consider those years also very important formative years,” pagbabahagi ni Julia sa ulat ng Push.
“Kumbaga, parang ‘yon ‘yong years na unti-unti binubuo ka bilang tao at bilang dalaga. If I had insecurities or if I was trying to figure myself out in high school, I mean everybody goes through that and I did experience that myself. And I think that’s normal. But I had a good high school experience and I loved high school so much kasi totoo yung sinasabi nila na high school friends are forever and all my high school friends up to this day are still my friends and I still keep in touch with them. It’s one of my favorite years in my life,” pagpapatuloy niya.
Bukod sa personal na tuwa na dala ng yugtong ito, ang kanyang pagtatapos daw ay “proud moment” para sa inang si Marjorie Baretto na ito lamang ang hiniling sa kanya bago niya tuluyang ituon ang atensiyon sa pag-aartista.
“Siguro ang highlight ng high school years ko is when I graduated. Kasi I remember ‘yon lang ‘yong rule sa akin ni Mommy for me to fully be in show business, her only request was makatapos lang ako ng high school. So I think that was such an important moment for me and for my mom that we shared together kasi natupad ko yung pangarap niya for me,” aniya.
Ngunit sa kabila ng pagiging abala, pangarap pa rin daw ng aktres na makabalik sa paaralan para makapagtapos din sa kolehiyo.
“So ‘yong next na lang is college, sana mahanapan natin ng oras ‘yan,” wika ng 25-anyos.
“Up until now that’s still something that I wish to do. Education is such a valuable thing. You’re lucky enough and blessed enough if you have it. If you have it, keep it. Isagad mo na ‘yan. You enjoy the opportunity because not everybody gets to have that opportunity. Even I don’t have the time for that right now and I wish I did,” pagpapatuloy niya.
