Bumaling ang aktres na si Kris Aquino sa kanyang social media account para i-update ang kanyang mga followers tungkol sa kanyang “road to wellness” pagkatapos niyang magpagamot noong weekend.
Sa Instagram, sinabi ng dating Kapamilya host na naging maayos ang kanyang unang Xolair injection. Sinabi rin niya na ang kanyang katawan ay naka-adapt naman nang maayos.
“Thank you for your prayers — supposed to rest this week, then March 13 ang next shot,” ayon sa kanyang caption.
Pagkatapos niyang makuha ang kanyang pangalawang shot, sinabi ni Kris na sa wakas ay pupunta siya at ang kanyang mga anak sa ibang bansa para ipagpaptuloy ang susunod na doses at pagpapagamot muli.
“After 5 days, praying nothing goes wrong, we finally go abroad & I continue my next doses of Xolair and finally tackle my autoimmune and other important health problems. In case magtatanong kayo, still just 85 pounds (38.5 kg),” aniya.
Upang tapusin ang kanyang post, sinabi ng aktres, “Thank you for being part of my road to wellness & hopefully better quality of life journey w/ me.”
Sa kanyang post noong Biyernes, sinabi ni Aquino na nagtitiwala siya sa plano at timing ng Diyos.
Basahin: Kris Aquino nagbigay ng update hinggil sa kanyang kalusugan
Samantala, dumaan si Kris Aquino sa isang panibagong test habang naghahanda siyang lumipad palabas ng bansa para magpagamot.
View this post on Instagram
Sa Instagram post ay nagbigay ng update ang aktres-host sa kanyang mga followers kaugnay sa kanyang kalusugan. Kasalukuyang nakikipaglaban ang queen of all media sa autoimmune disease at chronic urticaria.
“We just finished this blood test 30 minutes ago to see kung viable candidate ako for the treatment I want to try, before we go abroad. Thank you, Jessica- my favorite med tech from St. Luke’s BGC.”
“Marami akong health problems at present but para ma-confirm how serious they are, kailangan unahin namin ‘yung pinakamalaking hadlang, my allergies and my chronic urticaria,” aniya