Ang toy collector at content creator na nakabase sa Singapore na si Vince Lubuguin, na kilala sa pag-convert ng kanyang workspace sa isang Pokémon-themed nook, ay malikhaing isinama ang tema sa kanyang kasal na isinagawa sa Raffles Hotel Singapore.
“I’m sure that most of you already know that I am a Pokemon fan and Pokemon is a big part of my life. Proud to share my dream wedding outfit that I personally picked for my wedding held last 02.20.2022.”
Sa kaniyang Facebook post ay ibinahagi niya ang maikling video ng kanilang kasal.
Ibinahagi rin niya ang magandang balita sa kaniyang Facebook post sa pagdiriwang ng Pokémon Day noong Linggo, Pebrero 27, kasama ang lahat ng detalye at disenyo ng kanilang espesyal na araw.
“In celebration of Pokemon Day, I would love to share to everyone all the details and designs from my simple Pokemon-themed wedding which happened last 02.20.2022 at Raffles Hotel Singapore,” aniya.
“From the signboards to wedding ring holder, I am very proud that I have been able to incorporate Pokemon in our special day. As I have always said, Pokemon is a big part of my life and it has always been with me since childhood,” dagdag pa nito.
Ikinasal si Vince at ang asawa na niya ngayon na si Mikee Reyes-Lubuguin sa Singapore noong Pebrero 20. Ang una nilang plano ay magpakasal sa Pilipinas noong Disyembre 12, 2021 ngunit nakansela dahil sa travel restrictions.
Sa isang panayam ng Be An Inquirer, ay ibinunyag niya na hindi madali ang tema sa kanilang kasal, dahil alam niyang mas bagay ito para sa mga party ng mga bata, ngunit tiniyak niyang magiging disente at pormal ang mga detalye ng kanyang napiling Pokémon sa araw ng kanyang kasal.
“Isang malaking parte ng buhay ko ang Pokémon mula pagkabata. Nakahiligan ko ang magkolekta ng mga laruan at iba’t iba pang mga collectibles mula year 2001,” aniya.
“Naging isang Pokémon content creator [din] ako sa Instagram na lubos na sinusuportahan naman ng aking asawa,” dagdag pa niya.