Ang standard bearer ng Aksyon Demokratiko na si Isko Moreno Domagoso ay umaasa na makakamit niya ang isang surpresang panalo sa Mayo sa Halalan 2022 kahit na siya ay nasa ikatlong pwesto sa mga pinakabagong survey.
Sinabi ng Alkalde ng Maynila na kumukuha siya ng inspirasyon mula sa United States’ 1948 presidential election, kung saan nahakot ni Pangulong Harry Truman ang isang tagumpay laban kay New York Governor Thomas Dewey.
“If we all believe that history repeats itself… Gov. Dewey has been leading the survey for 1 year, even to the point that Chicago Tribune printed the newspaper for tomorrow that Dewey won,” ani Isko.
“But it turned out na tahimik lang pala ‘yung tao. Kinabukasan, ang nanalo, si Truman,” dagdag pa niya.
Nakaranas umano siya katulad ng tagumpay noong 2019 elections, nang talunin niya ang dating pangulo at noo’y nanunungkulan na Manila City Mayor Joseph “Erap” Estrada.
“Number 3 din ako sa survey noon. Noong araw ng election, 51 percent of votes ang nakuha ko dahil nga natatakot ‘yung tao, tinatabi niya lang ang boto niya.”
Sinabi ni Isko na umaasa siyang mauulit ang kasaysayan sa taong ito.
Sinabi ng ilang analyst na ang kompetisyon ay two-way race na ngayon sa pagitan nina dating Sen. Ferdinand “Bongbong” Marcos, Jr. at Vice President Leni Robredo, na nanguna sa mga survey kamakailan.
Sa March pre-election survey ng Pulse Asia, 56 porsiyento ng 2,400 respondents ang nagsabing iboboto nila si BBM kung gaganapin ang halalan sa oras na iyon, habang nakuha naman ni Leni ang suporta ng 24 porsiyento. Si Isko naman ay nakatanggap ng 8 porsiyento.
Tulad ng kung paano niya umano hinahalukay ang mga natirang pagkain noong siya ay bata pa sa Tondo, sinabi ni Isko na ginagamit niya ang kaparehong lakas para suyurin sa Pilipinas ang mga ‘undecided’ na botante na sa tingin niya ay maaaring baliktarin ang mga resulta ng halalan sa kanyang pabor.
“Ang pulubi, hindi nakakapamili. So ‘yung mga tira-tira nila, sisimutin ko. Akin na lang ‘yung tira. ‘Yung ayaw nila, sa akin na lang.”
Panoorin ang kanyang pahayag: