Marami ang natuwa sa kakaibang paraan ng pagyaya ng isang netizen sa kaniyang girlfriend sa isang date.
Sa isang Facebook post ay ibinahagi ni Marc Eugenio ang screenshot ng e-mail kung saan niyaya niya ang girlfriend na si Camila Buduan sa isang date.
Sa kaniyang mensahe ay sinabi ni Marc na napansin niyang stressed si Camila dahil sa pressure sa kaniyang trabaho kaya naisip niya itong yayain upang makapag-refresh.
“Good Day, Madam! I hope your day at work went very well. As your boyfriend, I have noticed the stress you’re going through as a result of pressure from work,” panimula niya.
“How about I’ll take you for dinner tomorrow night so you can let your hair down and relax even for a few hours before we do all our tasks this coming Holy Week?”
Nakalagay na rin sa e-mail ang dress code at call time ng kanilang date.
“In regard to your outfit, please do wear anything that makes you comfortable. Alam mo namang kahit anong suot mo maganda ka,” sabi ni Marc.
“Please be ready at exactly 5 pm since we have our reservation at 6 pm. I love you!”
Sa pamamagitan din ng e-mail ay umoo si Camila sa date.
“This sounds good! I would like to confirm my attendance for tomorrow’s dinner. Please let me know if there is anything else that I need to prepare. Thank you for the treat!” tugon niya.
Sa kasalukuyan ay may 15k reactions at 21k shares na ang post ni Marc.
Ang ilang netizens, inilapag ang kanilang e-mail address matapos makakuha ng ideya mula kay Marc.