Nagbahagi ng ilang larawan si Mariel Padilla sa kanyang Instagram account nitong Hunyo 17 ng oath-taking ceremony ng kanyang asawang si Senator Robin Padilla na dinaluhan ni Pangulong Rodrigo Duterte.
Bukod sa pag-post ng mga larawan, nagpasalamat din si Mariel sa Pangulo sa pagdalo sa event.
“Robin’s Oath taking last night with PRRD. Maraming maraming salamat po Mr.President!!! We are sooo sooo sooo proud of you @robinhoodpadilla.”
Higit pa rito, ipinahayag ni Mariel kung gaano niya ipinagmamalaki si Robin na pinaniniwalaan niyang magiging isang kahanga-hangang senador.
Ayon sa kanya, isa si Robin sa mga taong nakatakdang maging mahusay sa kabila ng napakalaking hamon.
“I KNOW you will be an amazing and effective Senator. All eyes on you… but that’s okay we like challenges, when you were taking your oath, I told myself Robin was born to be GREAT,” aniya.
“Meron talagang mga tao na destined to excel, si Robin ganun. You got this babe! We are behind you, beside you and with you all the way. God speed! Allah hu Akbar,” dagdag pa niya.
Matatandaan na nag-upload si Mariel ng mga larawan ni Robin na naglalaro ng manika kasama ang kanyang mga anak na babae sa kanilang bahay.
Ibinahagi rin ni Mariel ang isang nakatutuwang pag-uusap nina Robin at Isabella, na nagsabing gusto na niyang magkaroon ng asawa kapag siya ay lumaki.
“When I grow up nanay, I am going to have a husband,” ani Isabella.
Natigilan si Robin sa komento ni Isabella, at sinabi na napakabata pa niya at ang pagpapakasal ay para sa mga matatanda lamang.
“That is a very very very very very long time. Husband is for old people. Nanay is old.”
“Awww takes so long to have a husband,” ayon kay Isabella.
Ayon kay Mariel, kasalukuyang naghahanda si Robin para sa kanyang senatorial duties habang inaalagaan din ang kanyang mga anak na babae, na kamakailan ay nagbakasyon sa Spain.